ഷാർജയിൽ വീട്ട് വാടക കൂട്ടി, ദുബൈയിൽ കുറഞ്ഞു; ആശങ്കയിൽ പ്രവാസികൾ

താമസിക്കാൻ അനുമതിയുള്ള മുറികൾ അനധികൃതമായി വേർതിരിച്ച്, കൂടുതൽ ആളുകളെ നിയമവിരുദ്ധമായി പാർപ്പിക്കുന്നതിനെതിരെ കർശന നടപടിയാണ് ദുബൈ മുനിസിപ്പാലിറ്റി സ്വീകരിച്ചത്. ഇതോടെ ചെലവ് കുറവുള്ള മറ്റ് എമിറേറ്റുകളിലേക്ക് ആളുകൾ താമസം മാറ്റിയിരുന്നു. കൂടുതൽ ആളുകളും ഷാർജയിലേക്കാണ് താമസം മാറിയത്.

എന്നാൽ കാര്യങ്ങൾ ഇപ്പോൾ മാറുകയാണ്. കൂട്ടത്തോടെ ആളുകൾ ഒഴിഞ്ഞു പോയതോടെ താമസ സ്ഥലങ്ങളുടെ വാടകയിൽ വലിയ കുറവാണ് ദുബൈയിൽ ഉണ്ടായിരിക്കുന്നത്. അതേസമയം, ഷാർജയിലെ വാടക ഉയരുകയും ചെയ്തു. ഇതോടെ അധിക യാത്രാക്കൂലിയും കൂടുതൽ വാടകയും നൽകി താമസിക്കേണ്ട ഗതികേടിലാണ് പ്രവാസികൾ.