ഏഷ്യന്‍ ഗെയിംസില്‍ ഇന്ത്യയുടെ മെഡല്‍ വേട്ട നൂറ് പിന്നിട്ടു

ഏഷ്യന്‍ ഗെയിംസില്‍ ഇന്ത്യയുടെ മെഡല്‍ 100 പിന്നിട്ടു. വനിതാ വിഭാഗം കബഡിയിലെ സ്വര്‍ണ മെഡലോടെയാണ് 100 മെഡലുകളുടെ ശോഭയിലേക്ക് ഇന്ത്യ എത്തിയത്.

ആർച്ചറിയിൽ ജ്യോതി സുരേഖയ്ക്കും ഓജസ് പ്രവീണിനും സ്വര്‍ണം. ഇതേ ഇനത്തില്‍ അഭിഷേക് വര്‍മ വെള്ളിയും , അതിഥി ഗോപിചന്ദ് വെങ്കലവും നേടി.

വനിതകളുടെ കബഡിയില്‍ ചൈനീസ് തായ്പേയിയെ തോല്‍പ്പിച്ച്‌ ഇന്ത്യ ഇന്ന് സ്വര്‍ണം നേടിയതോടെയാണ് മെഡല്‍ നേട്ടം സെഞ്ച്വറിയടിച്ചത്. വാശിയേറിയ പോരാട്ടത്തില്‍ 26-25 എന്ന സ്കോറിനാണ് കബഡിയില്‍ ഇന്ത്യൻ വനിതകളുടെ നേട്ടം.