തുടര്‍ച്ചയായ നാലാം മത്സരത്തിലും സെഞ്ച്വറി നേടി അഭിമന്യു ഈശ്വരൻ

രഞ്ജി ട്രോഫി ഓപ്പണറില്‍ ഉത്തർപ്രദേശിനെതിരെ മികച്ച സെഞ്ചുറിയുമായി ബംഗാള്‍ ഓപ്പണർ അഭിമന്യു ഈശ്വരൻ. 127 റണ്‍സ് ആണ് അഭിമന്യു സ്കോർ ചെയ്തത്.

ഇന്ത്യൻ ടെസ്റ്റ് ടീമില്‍ ഇടം നേടാനുള്ള തൻ്റെ സാധ്യത ഈ സെഞ്ച്വറിയിലൂടെ അഭിമന്യു ശക്തമാക്കി. ആഭ്യന്തര ക്രിക്കറ്റില്‍ അവസാന നാലു മത്സരങ്ങളില്‍ നിന്നുള്ള അദ്ദേഹത്തിൻ്റെ നാലാമത്തെ സെഞ്ച്വറിയാണിത്.

അഭിമന്യു ഈശ്വരൻ 7,500-ലധികം ഫസ്റ്റ് ക്ലാസ് റണ്‍സ് ഇതിനകം നേടിയിട്ടുണ്ട്. ദുലീപ്, ഇറാനി ട്രോഫിയിലെ സെഞ്ചുറികള്‍ ഉള്‍പ്പെടെയുള്ള അദ്ദേഹത്തിൻ്റെ സമീപകാല പ്രകടനങ്ങള്‍ ആരാധകരുടെയും സെലക്ടർമാരുടെയും ശ്രദ്ധ ആകർഷിച്ചു. ഇന്ത്യൻ ടെസ്റ്റ് ടീമിലേക്ക് ഒന്നിലധികം തവണ ക്ഷണം ലഭിച്ചിട്ടും ഈശ്വരൻ ഇതുവരെ അരങ്ങേറ്റം കുറിച്ചിട്ടില്ല.