ദക്ഷിണാഫ്രിക്കയ്‌ക്കെതിരായ ഏകദിന പരമ്പരയ്ക്ക് നാളെ തുടക്കം
National Desk
Posted On November 29, 2025
ദക്ഷിണാഫ്രിക്കയ്‌ക്കെതിരായ ഏകദിന ക്രിക്കറ്റ് പരമ്പരയ്ക്ക് നാളെ തുടക്കമാകും. മൂന്നു മത്സരങ്ങളാണ് പരമ്പരയില്‍ കളിക്കുക. നാളെ റാഞ്ചിയിലാണ് ആദ്യ മത്സരം നടക്കുന്നത്. ടെസ്റ്റ് പരമ്പരയിലെ കനത്ത തോല്‍വിയുടെ ആഘാതത്തില്‍ നിന്നും മറികടക്കുന്നത് ലക്ഷ്യമിട്ടാണ് ഇന്ത്യന്‍ സംഘം മത്സരങ്ങള്‍ക്ക് തയ്യാറെടുക്കുന്നത്.
25 വര്‍ഷത്തിനു ശേഷം ഇന്ത്യന്‍ മണ്ണില്‍ ടെസ്റ്റ് പരമ്പര വിജയിച്ചതിന്റെ ആവേശത്തിലാണ് ദക്ഷിണാഫ്രിക്കൻ ടീം. ആദ്യം കൊല്‍ക്കത്തയിലും പിന്നാലെ ഗുവാഹതിയിലും നടന്ന ടെസ്റ്റുകളിലാണ് ദക്ഷിണാഫ്രിക്ക ഇന്ത്യയെ നാണംകെടുത്തിയത്. അതേ ആവേശത്തില്‍ അവരിപ്പോൾ ഏകദിന പരമ്പര കൂടി ലക്ഷ്യമിടുന്നു.
പരിക്കേറ്റ ശുഭ്മന്‍ ഗില്ലിന് പകരം കെ എല്‍ രാഹുലായിരിക്കും ഇന്ത്യയെ നയിക്കുന്നത്. രോഹിത് ശര്‍മ്മയും വിരാട് കോഹ്‍ലിയും ഇന്ത്യന്‍ ടീമിലേക്ക് തിരിച്ചെത്തി. ജസ്പ്രീത് ബുംറയ്ക്കും മുഹമ്മദ് സിറാജിനും വിശ്രമം അനുവദിച്ചു. ഇതോടെ അര്‍ഷ്ദീപ് സിങ്, ഹര്‍ഷിത് റാണ, പ്രസിദ്ധ് കൃഷ്ണ എന്നിവരിലാണ് പേസ് ബൗളിങ് പ്രതീക്ഷകള്‍.
Trending Now
