ദിനേഷ് കാര്‍ത്തിക് വീണ്ടും!; ഷാര്‍ജ വാരിയേഴ്‌സിനായി ഐഎല്‍ടി20യില്‍ അരങ്ങേറും
National Desk
Posted On October 1, 2025
മുന്‍ ഇന്ത്യന്‍ വിക്കറ്റ് കീപ്പര്‍ ബാറ്ററും കമന്റേറ്ററുമായ ദിനേഷ് കാര്‍ത്തിക് വീണ്ടും ടി 20 ക്രിക്കറ്റിലേക്ക് എത്തുന്നു. എമിറേറ്റ്‌സ് ക്രിക്കറ്റ് ബോര്‍ഡ് നടത്തുന്ന ഇന്റര്‍നാഷണല്‍ ലീഗ് ടി20 പോരാട്ടത്തില്‍ താരം ഇത്തവണ അരങ്ങേറും. ഷാര്‍ജ് വാരിയേഴ്‌സിനായാണ് ദിനേഷ് കാര്‍ത്തിക് കളിക്കാനിറങ്ങുന്നത്.
ശ്രീലങ്കന്‍ താരം കുശാല്‍ മെന്‍ഡിസിനു പകരമാണ് കാര്‍ത്തിക് ടീമിൽ വരുന്നത്. മുന്‍ ദക്ഷിണാഫ്രിക്കന്‍ താരം ജെപി ഡുമിനിയാണ് ഷാര്‍ജ വാരിയേഴ്‌സ് പരിശീലകന്‍. അടുത്ത വര്‍ഷം ജനുവരി 10 മുതല്‍ ഫെബ്രുവരി 11 വരെയാണ് ടൂര്‍ണമെന്റ്.
2013ല്‍ മുംബൈ ഇന്ത്യന്‍സിനൊപ്പം ഐപിഎല്‍ ചാംപ്യനായിട്ടുണ്ട് കാര്‍ത്തിക്. 2007ലെ പ്രഥമ ടി20 ലോകകപ്പില്‍ കിരീടം നേടിയ ഇന്ത്യന്‍ ടീമിലും 2013ല്‍ ചാംപ്യന്‍സ് ട്രോഫി നേടിയ ഇന്ത്യന്‍ ടീമിലും കാര്‍ത്തിക് അംഗമായിരുന്നു. ഇത്തവണ ഐപിഎല്‍ കിരീടം ആര്‍സിബി ഉയര്‍ത്തിയപ്പോള്‍ താരവും കോച്ചിങ് സ്റ്റാഫില്‍ അംഗമായിരുന്നു.
412 ടി20 മത്സരങ്ങളില്‍ 364 ഇന്നിങ്‌സ് കളിച്ച് 7,437 റണ്‍സാണ് കാര്‍ത്തിക് നേടിയത്. 35 അര്‍ധ സെഞ്ച്വറികളും ഈ ഫോര്‍മാറ്റിലുണ്ട്. 136.66 ആണ് സ്‌ട്രൈക്ക് റേറ്റ്. ഇന്ത്യന്‍ ജേഴ്‌സിയില്‍ 60 ടി20 മത്സരങ്ങള്‍ കളിച്ചു. 48 ഇന്നിങ്‌സുകള്‍ ബാറ്റ് ചെയ്തു 686 റണ്‍സ് നേടി. 142.61 ആണ് സ്‌ട്രൈക്ക് റേറ്റ്.
Trending Now
You may also like
