ഋഷഭ് പന്ത് ക്യാപ്റ്റന്‍; വിരാട് കോഹ്‌ലി ഡല്‍ഹി ടീമില്‍

വിജയ് ഹസാരെ ട്രോഫി ഏകദിന ടൂർണമെന്റിനുള്ള ഡല്‍ഹി ടീമിനെ പ്രഖ്യാപിച്ചു. ഇന്ത്യൻ ടെസ്റ്റ് വൈസ് ക്യാപ്റ്റന്‍ ഋഷഭ് പന്താണ് ഡല്‍ഹി ടീം നായകന്‍. വിരാട് കോഹ്‌ലിയും ഡല്‍ഹിക്കായി കളത്തിലെത്തും.

കോഹ്‌ലി, പന്ത് എന്നിവര്‍ക്കു പുറമേ ഇന്ത്യന്‍ താരം ഹര്‍ഷിത് റാണ, വെറ്ററന്‍ പേസര്‍ ഇഷാന്ത് ശര്‍മ, പേസര്‍ നവ്ദീപ് സയ്‌നി എന്നിവരും ടീമിലുണ്ട്. ഈ താരങ്ങള്‍ എല്ലാ മത്സരങ്ങളിലും കളിക്കാനിറങ്ങില്ല. ദേശീയ ടീമിനായി കളിക്കേണ്ടി വന്നാല്‍ കോഹ്‌ലിയും പന്തും ഹര്‍ഷിത് ഡല്‍ഹി ടീമിനായി ഇറങ്ങില്ല. ഇഷാന്ത്, നവ്ദീപ് സയ്‌നി എന്നിവരും എല്ലാ മത്സരങ്ങളും കളിക്കില്ല. അഡീഷണല്‍ താരങ്ങളായാണ് ഈ അഞ്ച് പേരും ടീമില്‍ ഇടം പിടിച്ചത്.

ആയുഷ് ബദോനിയാണ് ഡല്‍ഹി ടീമിന്റെ വൈസ് ക്യാപ്റ്റന്‍. പന്തിന്റെ അഭാവത്തില്‍ താരമായിരിക്കും ടീമിനെ നയിക്കുക.