സന്തോഷ് ട്രോഫി ഫുട്ബാള് ടൂര്ണമെന്റില് കിരീടം തേടി കേരളം ഇന്നിറങ്ങുന്നു. സര്വീസസ് ആണ് കേരളത്തിന്റെ എതിരാളികള്. എട്ടാം കിരീടം തേടിയാണ് കേരള ടീം ഇന്ന് ഇറങ്ങുന്നത്. അസമിലെ ധാക്കുവാഖാന സ്റ്റേഡിയത്തില് ഉച്ചയ്ക്ക് ഒരു മണി മുതലാണ് മത്സരം.
സന്തോഷ് ട്രോഫി ടൂര്ണമെന്റില് കേരളത്തിന്റെ തുടര്ച്ചയായ രണ്ടാം ഫൈനലാണിത്. കഴിഞ്ഞ തവണ ഫൈനലില് ബംഗാളിനോടാണ് പരാജയപ്പെട്ടത്. ഗ്രൂപ്പ് ഘട്ടത്തില് അഞ്ച് കളികളിൽ മൂന്ന് ജയവും ഓരോ സമനിലയും തോല്വിയുമായിരുന്നു കേരളത്തിന്റേത്. എട്ടു ഗോള് മാത്രമാണ് കേരളം നേടിയത്. മൂന്നെണ്ണം വഴങ്ങുകയും ചെയ്തു.
എന്നാല് നോക്കൗട്ട് റൗണ്ടില് എത്തിയതോടെ കേരളാ ടീം അടുമുടി മാറി. എതിരാളികളുടെ വലയില് ഗോള് നിറച്ചാണ് കേരളം പിന്നീട് മുന്നേറിയത്. അവസാന രണ്ടു മത്സരങ്ങളില് എതിരില്ലാതെ ഏഴു ഗോളുകളാണ് കേരളം അടിച്ചത്.
സര്വീസസിന്റേത് 13 സീസണുകള്ക്കിടെ ഏഴാം ഫൈനലാണ്.
Trending Now
You may also like
