മുഖ്യമന്ത്രി പറഞ്ഞത് പച്ചക്കള്ളം; ഗുരുതര ആരോപണങ്ങളുമായി സ്വപ്‌ന സുരേഷ് രംഗത്ത്

മുഖ്യമന്ത്രി പിണറായി വിജയനും കുടുംബത്തിനും എതിരെ വീണ്ടും ഗുരുതര ആരോപണങ്ങളുമായി സ്വപ്‌ന സുരേഷ് രംഗത്ത്. തന്നെ അറിയില്ലെന്ന് മുഖ്യമന്ത്രിയുടെ മൊഴി പച്ചക്കള്ളമാണ്. അദ്ദേഹത്തിന്റെ ഭാര്യ കമലയുമായി താന്‍ പലവട്ടം സംസാരിച്ചിട്ടുണ്ടെന്നും സ്വപ്‌ന മാധ്യമങ്ങളോട് പറഞ്ഞു.

ഷാജ് കിരണുമായി മുഖ്യമന്ത്രിക്ക് ബന്ധമുണ്ട്. തന്നെ അറിയില്ലെന്ന് മുഖ്യമന്ത്രി പറഞ്ഞത് പച്ചക്കള്ളമാണ്. അവര്‍ തന്നെയാണ് ഷാജിനെ തന്റെ അടുത്തേക്ക് പറഞ്ഞയച്ചതെന്ന് സ്വപ്‌ന പറയുന്നു. ക്ലിഫ് ഹൗസില്‍ വച്ച് മുഖ്യമന്ത്രിയെ പലതവണ കണ്ടതായി സ്വപ്‌ന അറിയിച്ചു.

കോടതിയില്‍ നല്‍കിയ 164 മൊഴിയില്‍ ഇപ്പോളും ഉറച്ച് നില്‍ക്കുന്നതായി സ്വപ്‌ന സുരേഷ് പറഞ്ഞു. തന്റെ പേരില്‍ ഒരു പുതിയ കേസ് കൂടി പൊലീസ് രജിസ്റ്റര്‍ ചെയ്തതായി സ്വപ്‌ന പറയുന്നു. ഇനി എത്ര കേസുകള്‍ എടുത്താലും നല്‍കിയ മൊഴിയില്‍ ഉറച്ച് നില്‍ക്കുന്നു. 164 വകുപ്പില്‍ നല്‍കിയ മൊഴിയില്‍ വ്യത്യാസമുണ്ടെന്ന് പറഞ്ഞാണ് പുതിയ കേസ് രജിസ്റ്റര്‍ ചെയ്തത്. ഈ മൊഴിയില്‍ നിന്ന് പിന്മാറണമെങ്കില്‍ തന്നെ കൊല്ലണമെന്നും സ്വപ്‌ന പറഞ്ഞു. കോടതി രേഖകള്‍ മുഖ്യമന്ത്രി ഇടപെട്ട് ചോര്‍ത്തിയോയെന്നും സംശയിക്കുന്നതായി സ്വപ്‌ന കൂട്ടിചേര്‍ത്തു.

Content Highlights – Swapna Suresh, Arguing serious allegations against chief minister Pinarayi Vijayan