വില്ലനായി മഴ; ഇന്ത്യ- ഇംഗ്ലണ്ട് ടെസ്റ്റ് മത്സരം നിര്‍ത്തി വച്ചു

ഇന്ത്യയും ഇംഗ്ലണ്ടും തമ്മിലുള്ള ടെസ്റ്റ് മത്സരം മഴയെ തുടര്‍ന്ന് മാറ്റി വച്ചു. അഞ്ചാം ക്രിക്കറ്റ് ടെസ്റ്റില്‍ ഇന്ത്യയ്‌ക്കെതിരെ ഒന്നാം ഇന്നിങ്‌സ് ബാറ്റിങ്ങിനിറങ്ങിയ ഇംഗ്ലണ്ടിന് രണ്ട് വിക്കറ്റുകള്‍ നഷ്ടം. ഇംഗ്ലണ്ട് ബാറ്റിങ് ആരംഭിച്ച മുതല്‍ രണ്ടു തവണ മഴ വില്ലനായി. മഴ ശക്തമായതോടെ കളി നിര്‍ത്തിവെയ്ക്കാന്‍ അമ്പയര്‍മാര്‍ തീരുമാനിക്കുകയായിരുന്നു.

ഇംഗ്ലണ്ട് ഓപ്പണര്‍മാരായ അലക്‌സ് ലീസ് (6), സാക് ക്രൗളി (9) എന്നിവര്‍ പുറത്തായതോടെ ഇന്ത്യയ്ക്ക് അനുകൂലമായ തുടക്കമായിരുന്നു. ഒന്നാം ഇന്നിങ്സില്‍ ഇന്ത്യ 416 റണ്‍സിന് പുറത്തായിരുന്നു. ആദ്യ ദിനം അഞ്ചിന് 98 റണ്‍സെന്ന നിലയില്‍ തകര്‍ന്ന ഇന്ത്യയ്ക്ക് സെഞ്ചുറി നേടിയ ഋഷഭ് പന്തിന്റെയും രവീന്ദ്ര ജഡേജയുടെയും ഇന്നിങ്‌സുകളാണ് തുണയായത്.

ഇംഗ്ലണ്ടിനായി ജെയിംസ് ആന്‍ഡേഴ്‌സണ്‍ അഞ്ചു വിക്കറ്റ് വീഴ്ത്തി. മാത്യു പോട്ട്സ് രണ്ട് വിക്കറ്റെടുത്തു.

Content Highlights – India and England Test Match, Stopped due to rain