ഐസിഎസ്ഇ പത്താം ക്ലാസ് പരീക്ഷാ ഫലം പ്രഖ്യാപിച്ചു; 99.97 ശതമാനം വിജയം
National Desk
Posted On July 17, 2022
ഐസിഎസ്ഇ പത്താം ക്ലാസ് പരീക്ഷാ ഫലം പ്രഖ്യാപിച്ചു. 99.97 ശതമാനമാണ് വിജയം. ഉത്തര്‍പ്രദേശില്‍ നിന്നുള്ള മൂന്ന് കുട്ടികള്‍ അടക്കം നാലുപേര്‍ക്കാണ് ആദ്യ റാങ്ക്. 99.8 ശതമാനം മാര്‍ക്കാണ് ഇവര്‍ നേടിയത്. https://www.cisce.org,results.cisce.org. എന്ന സൈറ്റുകള്‍ വഴി ഫലം അറിയാം.
ഫൈനല്‍ സ്‌കോറില്‍ ആദ്യ രണ്ട് സെമസ്റ്ററുകള്‍ക്കും തുല്യ വെയ്റ്റേജ് ആയിരിക്കും. അതേസമയം എതെങ്കിലും ഒരു സെമസ്റ്ററിലെ പരീക്ഷ എഴുതിയില്ലെങ്കില്‍ അവരെ ആബ്സന്റായി കണക്കാക്കി ഫലം പ്രസിദ്ധീകരിക്കില്ലെന്നും ഐസിഎസ്ഇ ബോര്‍ഡ് സെക്രട്ടറി കഴിഞ്ഞ ദിവസം അറിയിച്ചിരുന്നു.
പരീക്ഷാ ഫലം വൈകുന്നതില്‍ വിദ്യാര്‍ത്ഥികളും രക്ഷിതാക്കളും ഒരുപോലെ ആശങ്ക പ്രകടിപ്പിച്ചിരുന്നു. ഫലം വൈകിയാല്‍ തുടര്‍ വിദ്യാഭ്യാസ സാധ്യതകള്‍ കുറയുമെന്ന് വിദ്യാര്‍ത്ഥികള്‍ പരാതി ഉന്നയിച്ചിരുന്നു.
Content Highlights – ICSE Class 10th Exam Result Declared
Trending Now
