ഇടുക്കിയില്‍ എംഡിഎംഎയുമായി പോലീസുകാരന്‍ പിടിയിലായി. ഇടുക്കി എ ആര്‍ ക്യാമ്പിലെ സിവില്‍ പോലീസ് ഓഫീസര്‍ എം ജെ ഷാനവാസിനെയാണ് എക്‌സൈസ് പിടികൂടിയത്. തൊടുപുഴ മുതലക്കോടം കേന്ദ്രീകരിച്ച് ലഹരി ഇടപാടുകള്‍ നടക്കുന്നുവെന്ന രഹസ്യ വിവരത്തെ തുടര്‍ന്ന് എക്‌സൈസ് ഇന്റലിജന്‍സ് നടത്തിയ പരിശോധനയിലാണ് ഷാനവാസ് പിടിയിലായത്.
ഒപ്പമുണ്ടായിരുന്ന സുഹൃത്ത് ഷംനാസ് ഷാജിയെയും കസ്റ്റഡിയില്‍ എടുത്തു. ഷാനവാസിന്റെ കാറില്‍ നിന്നാണ് ലഹരി മരുന്ന് കണ്ടെടുത്തത്. മൂന്നര ഗ്രാം എം.ഡി.എം.എയും 20 ഗ്രാം ഉണക്ക കഞ്ചാവും കാറിലുണ്ടായിരുന്നു. ഓടി രക്ഷപ്പെടാന്‍ ശ്രമിച്ച സുഹൃത്ത് ഷംനാസ് ഷാജിയെ എക്‌സൈസ് സംഘം പിന്തുടര്‍ന്ന് കസ്റ്റഡിയില്‍ എടുക്കുകയായിരുന്നു.
ലഹരി വസ്തുക്കള്‍ ഇവര്‍ക്ക് എവിടെ നിന്ന് ലഭിച്ചുവെന്നതടക്കമുള്ള കാര്യങ്ങളില്‍ വിശദമായ അന്വേഷണം നടത്തുമെന്ന് ഉദ്യോഗസ്ഥര്‍ അറിയിച്ചു. ഇവര്‍ സഞ്ചരിച്ചിരുന്ന കാറും ബൈക്കും കസ്റ്റഡിയിലെടുത്തിട്ടുണ്ട്.
Trending Now
ക്യാമ്പസ് കഥ പറയുന്ന “PDC അത്ര ചെറിയ ഡിഗ്രി അല്ല”
