പ്രഗ്നാനന്ദയെ കീഴടക്കി ഇന്ത്യന്‍ ഗ്രാന്‍ഡ്മാസ്റ്റര്‍ അരവിന്ദ് ചിദംബരത്തിന് ദുബായ് ചെസ് ഓപ്പണ്‍ കിരീടം

ലോക ചെസ് ചാമ്പ്യന്‍ മാഗ്നസ് കാള്‍സണെ പരാജയപ്പെടുത്തി താരമായി മാറിയ പ്രഗ്നാനന്ദയെ തോല്‍പിച്ച് ഇന്ത്യന്‍ ഗ്രാന്റ് മാസ്റ്റര്‍ അരവിന്ദ് ചിദംബരം. ദുബായ് ചെസ് ഓപ്പണ്‍ കിരീട മത്സരത്തിലാണ് അരവിന്ദ് ചിദംബരം പ്രഗ്നാനന്ദയെ കീഴടക്കിയത്. മത്സരത്തിന്റെ ഒന്‍പതാം റൗണ്ടിലാണ് അരവിന്ദിന്റെ നേട്ടം.

7.5 പോയിന്റോടെ അരവിന്ദ് ഒന്നാം സ്ഥാനത്തെത്തിയപ്പോള്‍ ഏഴ് പോയിന്റുകള്‍ വീതം നേടിയ പ്രഗ്‌നാനന്ദയും റഷ്യന്‍ ഗ്രാന്റ് മാസ്റ്റര്‍ പ്രെഡ്കെ അലക്സാണ്ടറും രണ്ടാം സ്ഥാനം പങ്കിട്ടു. അര്‍ജുന്‍ എരിഗൈസിയെ 7-8 ന് പരാജയപ്പെടുത്തിയ ശേഷമായിരുന്നു പ്രഗ്നാനന്ദയോടെ അരവിന്ദ് ഏറ്റുമുട്ടിയത്.

ഇന്ത്യയുടെ ആദ്യത്തെ ദേശീയ ട്രിപ്പിള്‍ ക്രൗണ്‍ ചാമ്പ്യനും നിലവിലെ ദേശീയ റാപ്പിഡ്, ബ്ലിറ്റ്സ് ചാമ്പ്യനുമാണ് അരവന്ദ് ചിദംബരം.