രഞ്ജിയില്‍ ബംഗാളിനെ വീഴ്ത്തി കേരളം; സീസണിലെ ആദ്യ ജയം

രഞ്ജി ട്രോഫി ക്രിക്കറ്റില്‍ കേരളം ബംഗാളിനെ തോല്‍പ്പിച്ചു. 109 റണ്‍സിനാണ് സീസണിലെ ആദ്യ ജയം കേരളം സ്വന്തമാക്കിയത്.

തിരുവനന്തപുരം തുമ്ബ സെന്‍റ് സേവ്യേഴ്സ് കോളജ് മൈതാനത്ത് നടന്ന മത്സരത്തില്‍ കേരളം മുന്നോട്ടുവെച്ച 449 റണ്‍സിന്‍റെ കൂറ്റൻ ലക്ഷ്യം തേടി ബാറ്റുചെയ്ത ബംഗാള്‍ 339 റണ്‍സിന് പുറത്താകുകയായിരുന്നു.

ആവേശം നിറഞ്ഞുനിന്ന മത്സരത്തില്‍ വിജയത്തിനുവേണ്ടി പൊരുതുന്ന ബംഗാളിനെയാണ് ഇന്ന് കണ്ടത്. ഏഴാമതായി ഇറങ്ങി 80 റണ്‍സ് നേടിയ ഷഹബാസ് അഹമ്മദും എട്ടാമതായി ഇറങ്ങിയ 40 റണ്‍സടിച്ച കരണ്‍ ലാലും ചേർന്ന് മുന്നേറിയപ്പോള്‍ കേരള ക്യാംപില്‍ ആശങ്ക പർന്നിരുന്നു. എന്നാല്‍ ഷഹബാസിനെ ബേസില്‍ തമ്ബിയും കരണ്‍ ലാലിനെ എന്‍ പി ബേസിലും പുറത്താക്കി കേരളത്തെ അർഹമായ വിജയത്തിലേക്ക് നയിച്ചു.

കരുത്തരായ ബംഗാളിനെതിരെ ബോളർമാരുടെ കരുത്തിലാണ് കേരളം വിജയം സ്വന്തമാക്കിയത്. ആദ്യ ഇന്നിംഗ്സില്‍ 9 വിക്കറ്റ് വീഴ്ത്തിയ ജലജ് സക്സേന രണ്ടാം ഇന്നിംഗ്സില്‍ നാലു വിക്കറ്റ് വീഴ്ത്തി കേരളത്തിന്‍റെ വിജയത്തിന് ചുക്കാൻ പിടിച്ചു. രണ്ടാം ഇന്നിംഗ്സില്‍ ശ്രേയസ് ഗോപാലും ബേസില്‍ തമ്ബിയും രണ്ട് വിക്കറ്റ് വീതം നേടി.