സിപിഎം പോളിറ്റ് ബ്യൂറോ യോഗം ഇന്ന് ഡല്‍ഹിയില്‍ നടക്കും; തെരഞ്ഞെടുപ്പ് പരാജയം യോഗത്തില്‍ ചര്‍ച്ചയാകും

സിപിഎം പോലിറ്റ് ബ്യൂറോ യോഗം ഇനന് ഡല്‍ഹിയില്‍ നടക്കും. ലോക്‌സഭാ തെരഞ്ഞെടുപ്പിന് ശേഷമുള്ള ആദ്യത്തെ പി ബി യോഗമാണിത്.

യോഗത്തില്‍ കേരളത്തിലെ അടക്കം തെരഞ്ഞെടുപ്പ് പരാജയം ചര്‍ച്ചയാകും. കഴിഞ്ഞ തെരഞ്ഞെടുപ്പില്‍ കേരളത്തില്‍ ആകെ ഒരു സീറ്റ് മാത്രമാണ് വിജയിക്കാനായത്. അതേ സമയം തിരിച്ചുവരാമെന്ന പ്രതീക്ഷ വെച്ച പശ്ചിമ ബംഗാളിലാവട്ടെ ഒരു സീറ്റില്‍ പോലും സിപിഎമ്മിന് വിജയിക്കാനായില്ല.ബംഗാളിലെ കോണ്‍ഗ്രസ് – സിപിഎം സഖ്യം വിജയമാകാത്ത സാഹചര്യത്തില്‍ വിമര്‍ശനം ഉയരാനും സാധ്യതയുണ്ട്.

രാജ്യസഭാ സ്ഥാനാര്‍ത്ഥിത്വവുമായി ബന്ധപ്പെട്ട് ഇടതുമുന്നണിക്കുള്ളില്‍ ചര്‍ച്ചകള്‍ തുടരുന്നു. ദേശീയ നേതാക്കളുള്‍പ്പടെയുള്ളവരെ സിപിഎം പരിഗണിക്കുന്നുണ്ടെന്നാണ് സൂചന.