സംസ്ഥാനത്ത് മഴ തുടരുന്നു; ഇന്ന് എറണാകുളം, തൃശൂര്‍ ജില്ലകളില്‍ ഓറഞ്ച് അലര്‍ട്ട്

സംസ്ഥാനത്ത് വിവിധ ജില്ലകളില്‍ വ്യാപകമായ മഴ തുടരുന്നു. എറണാകുളം, തൃശൂർ ജില്ലകളില്‍ ഇന്ന് ഓറഞ്ച് അലർട്ട് നല്‍കിയിട്ടുണ്ട്.

കണ്ണൂർ, കാസർകോട് ഒഴികെ മറ്റു ജില്ലകളില്‍ യെലോ അലർട്ടും പ്രഖ്യാപിച്ചു. ഓറഞ്ച് അലർട്ടുള്ള ജില്ലകളില്‍ ശക്തമായ മഴക്കും ഒറ്റപ്പെട്ട അതി ശക്തമായ മഴക്കും സാധ്യതയുണ്ട്.

തിരുവനന്തപുരം നഗരപ്രദേശത്ത് കനത്ത മഴയാണ്. ഇന്നലെ രാത്രി തുടങ്ങിയയ മഴ ബുധനാഴ്ച രാവിലെയും തുടരുകയാണ്. എറണാകളും ജില്ലയില്‍ കിഴക്കൻ മലയോര മേഖലകളില്‍ പ്രത്യേക ജാഗ്രതാ നിർദേശം നല്‍കിയിട്ടുണ്ട്. അടുത്ത മൂന്ന് ദിവസം ഇവിടെ അതിശക്തമായ മഴയുണ്ടാകുമെന്നാണ് മുന്നറിയിപ്പ്. ഉരുള്‍പൊട്ടല്‍, മണ്ണിടിച്ചില്‍ സാധ്യതയും ഉണ്ട്.

കേരള – ലക്ഷദ്വീപ് തീരങ്ങളില്‍ നിന്ന് മത്സ്യ തൊഴിലാളികള്‍ കടലില്‍ പോകരുതെന്ന് നിര്‍ദേശമുണ്ട്.