മണിപ്പൂരില്‍ വീണ്ടും സംഘര്‍ഷം ; 11 ആയുധ ധാരികള്‍ കൊല്ലപ്പെട്ടു
National Desk
Posted On November 12, 2024
മണിപ്പൂരില്‍ വീണ്ടും സംഘര്‍ഷം. ജിരിബാം ജില്ലയില്‍ സുരക്ഷാസേനയും കുകി ആയുധധാരികളും തമ്മിലുണ്ടായ ഏറ്റുമുട്ടലില്‍ 11 ആയുധധാരികള്‍ കൊല്ലപ്പെട്ടു. ഒരു ജവാന് പരിക്കേറ്റു.
അസം അതിര്‍ത്തിയോട് ചേര്‍ന്ന ജില്ലയാണ് ജിരിബാം. ജില്ലയിലെ ഒരു പൊലീസ് സ്റ്റേഷനെ കുകി ആയുധധാരികള്‍ മുഴുവനായും വളഞ്ഞ് ആക്രമിക്കുകയായിരുന്നു. ഇതോടെയാണ് സൈന്യവുമായി ഏറ്റുമുട്ടല്‍ ആരംഭിച്ചത്. പൊലീസ് സ്റ്റേഷനടുത്തായി സംഘര്‍ഷത്തില്‍ കുടിയിറക്കപ്പെട്ടവരുടെ ക്യാമ്ബുകളും ഉണ്ട്. ഈ ക്യാമ്ബും കൂടിയായിരിക്കാം ആയുധധാരികളുടെ ലക്ഷ്യമെന്ന് സൈന്യം സംശയിക്കുന്നുണ്ട്.
ഇതിന് മുന്‍പും ഈ സ്റ്റേഷനെ കുകികള്‍ ആക്രമിക്കാന്‍ ശ്രമിച്ചിട്ടുണ്ട്. ആയുധധാരികള്‍ വന്നത് ഓട്ടോറിക്ഷയിലാണെന്നാണ് പൊലീസ് സംശയിക്കുന്നത്. സ്റ്റേഷന്‍ ആക്രമിച്ചതിന് ശേഷം, ആയുധധാരികള്‍ തൊട്ടടുത്ത് വീടുകളുള്ള പ്രദേശത്തേക്ക് നീങ്ങുകയും, അവയ്ക്ക് തീയിടാന്‍ തുടങ്ങുകയും ചെയ്തു.
Trending Now
