അടുത്ത സൂര്യഗ്രഹണം ഉടനെന്ന് പഠനം ; ഈ സൂര്യഗ്രഹണം ഇന്ത്യയിൽ ദൃശ്യമാകുന്നത് എവിടെയെല്ലാം

ചന്ദ്രൻ സൂര്യനും ഭൂമിക്കും ഇടയിൽ വരുമ്പോൾ സൂര്യൻ ഭാഗികമായോ,പൂർണ്ണമായോ മറയപ്പെടുന്ന പ്രതിഭാസമാണ് സൂര്യഗ്രഹണം’. ഭൂമിയിൽ നിന്ന് നോക്കുമ്പോൾ സൂര്യനും ചന്ദ്രനും നേർരേഖയിൽ വരുന്ന കറുത്തവാവ് ദിവസമാണ് സൂര്യഗ്രഹണം നടക്കുക. ചന്ദ്രൻ ക്രാന്തിവൃത്തത്തോട് ചേർന്നു നിൽക്കുന്ന ദിവസമായിരിക്കും ഇത്.

ഗ്രഹണങ്ങളില്‍ ഏറ്റവും സവിശേഷത നിറഞ്ഞ ഒന്നാണ് സൂര്യഗ്രഹണം. പകലിനെയും രാത്രിയാക്കുന്ന അപൂർവ നിമിഷം. 2024 ഏപ്രില്‍ എട്ടിനാണ് അവസാനമായി മഹാ സൂര്യഗ്രഹണം നടന്നത്. എന്നാല്‍ ഈ സൂര്യഗ്രഹണം ഇന്ത്യയെ ബാധിച്ചിട്ടില്ല. 2019ലാണ് അവസാനമായി ഇന്ത്യയില്‍ സൂര്യഗ്രഹണം ദൃശ്യമായത്.

മെക്‌സികോ, യുഎസ്, കാനഡ, തെക്കേ അമേരിക്ക, വടക്കുപടിഞ്ഞാറൻ ഇംഗ്ലണ്ട്, അയർലൻഡ് എന്നീ പ്രദേശങ്ങളിലാണ് അന്ന് സൂര്യഗ്രഹണം കാണാൻ സാധിച്ചത്. പുതിയ പഠനങ്ങള്‍ പറയുന്നത് അനുസരിച്ച്‌ അടുത്ത സമ്ബൂർണ സൂര്യഗ്രഹണത്തിന് ഇനി അധികം കാത്തിരിക്കേണ്ടി വരില്ല.

2027 ഓഗസ്റ്റ് രണ്ടിനാണ് ഇനി അടുത്ത സമ്ബൂർണ സൂര്യഗ്രഹണത്തിന് ലോകം സാക്ഷ്യം വഹിക്കുക. എന്നാല്‍ ഇതിന് ഒരു പ്രത്യേക കൂടിയുണ്ട്. ‘ഗ്രേറ്റ് നോർത്ത് ആഫ്രിക്കൻ എക്ലിപ്‌സ്’ എന്നാണ് ഈ സൂര്യഗ്രഹണത്തെ അറിയപ്പെടുന്നത്. ഏകദേശം ആറ് മിനിട്ട് ഈ സമ്ബൂർണ സൂര്യഗ്രഹണം നീണ്ടുനില്‍ക്കുമെന്നാണ് വിവരം. ഈ സമയം ഭൂമി സൂര്യനില്‍ നിന്ന് ഏറ്റവും അകലെയുള്ള ബിന്ദുവില്‍ ആയിരിക്കും. ചന്ദ്രനാകട്ടെ ഭൂമിയോട് ഏറ്റവും അടുത്തുള്ള ബിന്ദുവായ പെരിജിയിൻ ആയിരിക്കും. ഇത് മൂലം ചന്ദ്രൻ പതിവിലും കൂടുതല്‍ സമയം സൂര്യനെ മറയ്ക്കും.

സൂര്യഗ്രഹണം പ്രധാനമായും മൂന്ന് തരത്തിലുണ്ട്:
പൂർണ്ണ സൂര്യഗ്രഹണം
സൂര്യൻ പൂർണ്ണമായും ചന്ദ്രനാൽ മറയ്ക്കപ്പെടുന്നു. ഈ സമയത്ത്, ചുറ്റുമുള്ള പ്രദേശം ഇരുട്ടിലാകും.
ഭാഗിക സൂര്യഗ്രഹണം എന്നാൽ
സൂര്യൻ ഭാഗികമായി മാത്രം ചന്ദ്രനാൽ മറയ്ക്കപ്പെടുന്നു. ഇതിൽ സൂര്യന്റെ ഒരു ഭാഗം മാത്രം കാണാൻ കഴിയില്ല.
വലയ സൂര്യഗ്രഹണം
സൂര്യൻ ചന്ദ്രന് ചുറ്റും ഒരു വലയം പോലെ കാണപ്പെടുന്നു. കാരണം, ചന്ദ്രൻ ഭൂമിയിൽ നിന്ന് അകലെയായിരിക്കുമ്പോൾ സൂര്യനെക്കാൾ ചെറുതായി കാണപ്പെടുന്നു.
ഗ്രഹണം സംഭവിക്കുമ്പോൾ, സൂര്യനെ നേരിട്ട് നോക്കുന്നത് കാഴ്ചശക്തിക്ക് ദോഷകരമാകും, അതിനാൽ സുരക്ഷിതമല്ലാത്ത മാർഗ്ഗങ്ങളിലൂടെ സൂര്യനെ നോക്കുന്നത് ഒഴിവാക്കണം

യൂറോപ്പ്, ആഫ്രിക്ക, മിഡില്‍ ഈസ്റ്റ് എന്നിവയുടെ ചില ഭാഗങ്ങളില്‍ അടുത്ത സമ്ബൂർണ ഗ്രഹണം ദൃശ്യമാകും. നിരവധി നഗരങ്ങളെ ഈ ഗ്രഹണം ഏകദേശം ആറ് മിനിട്ട് നേരത്തേക്ക് പൂർണ അന്ധകാരത്തിലാക്കും. കരയില്‍ നിന്ന് ദൃശ്യമാകുന്ന ഏറ്റവും ദെെർഘ്യമേറിയ സൂര്യഗ്രഹണമാണ് വരാനിരിക്കുന്നതെന്നാണ് സ്‌പേസ് ഡോട്ട് കോം പറയുന്നത്. ഇത്തവണയും ഇന്ത്യയില്‍ സമ്ബൂർണ സൂര്യഗ്രഹണം ദൃശ്യമാകില്ല. എന്നാലും ഡല്‍ഹി, മുംബയ്, ചെന്നെെ, കൊല്‍ക്കത്ത എന്നിവിടങ്ങളില്‍ ഭാഗിക ഗ്രഹണം ദൃശ്യമായേക്കും. 2027 ഓഗസ്റ്റ് രണ്ടിന് വെെകുന്നേരം 4.30 ഓടെ ഇന്ത്യയിലെ ആളുകള്‍ക്ക് ഭാഗിക ഗ്രഹണം കാണാൻ കഴിയുമെന്നാണ് വിദഗ്ധർ പറയുന്നത്