ആണവ പരീക്ഷണം ഉടൻ പുനരാരംഭിക്കും; 33 വർഷത്തെ മൊറട്ടോറിയം അവസാനിപ്പിച്ച് ട്രംപിന്റെ പ്രഖ്യാപനം
National Desk
Posted On October 30, 2025
ആണവശക്തികളിൽ ലോകത്ത് വർധിച്ചുവരുന്ന മത്സരത്തിന് മറുപടി നൽകിക്കൊണ്ട്, അമേരിക്ക ഉടൻ തന്നെ ആണവായുധ പരീക്ഷണങ്ങൾ പുനരാരംഭിക്കുമെന്ന് യു.എസ്. പ്രസിഡന്റ് ഡൊണാൾഡ് ട്രംപ് . 1992-ന് ശേഷം ആദ്യമായാണ് അമേരിക്ക പൂർണ്ണ ആണവ പരീക്ഷണം നടത്താൻ ഒരുങ്ങുന്നത്. ട്രൂത്ത് സോഷ്യലിലൂടെ നടത്തിയ പ്രഖ്യാപനം ആഗോളതലത്തിൽ ഞെട്ടലുളവാക്കിയിട്ടുണ്ട്.1992 മുതല്‍ അമേരിക്ക സ്വമേധയാ നിലനിർത്തിയിരുന്ന ആണവ പരീക്ഷണ മൊറട്ടോറിയം അവസാനിപ്പിച്ചുകൊണ്ടാണ് ഈ അമ്ബരപ്പിക്കുന്ന നയപരമായ മാറ്റം. റഷ്യയുടെയും ചൈനയുടെയും വികസിച്ചുകൊണ്ടിരിക്കുന്ന ആണവ പദ്ധതികളുമായി ഒപ്പമെത്തേണ്ടതിന്‍റെ ആവശ്യകതയാണ് ഈ തീരുമാനത്തിന് പിന്നിലെന്ന് ട്രംപ് പറഞ്ഞു. ഈ രണ്ട് രാജ്യങ്ങളും പരീക്ഷണ ശേഷി വർധിപ്പിക്കുമ്ബോള്‍ യുഎസ് കയ്യും കെട്ടി നോക്കി നിന്നുവെന്നും ട്രംപ് കുറ്റപ്പെടുത്തി.
”മറ്റ് രാജ്യങ്ങളുടെ പരീക്ഷണ പരിപാടികൾ കാരണം, നമ്മുടെ ആണവായുധങ്ങളുടെ പരീക്ഷണം തുല്യമായ അടിസ്ഥാനത്തിൽ ആരംഭിക്കാൻ ഞാൻ യുദ്ധവകുപ്പിന് നിർദ്ദേശം നൽകിയിട്ടുണ്ട്. ആ പ്രക്രിയ ഉടൻ ആരംഭിക്കും,” ട്രംപ് കുറിച്ചു….റഷ്യ അടുത്തിടെ ആണവശക്തിയുള്ള “ബുറെവെസ്റ്റ്നിക്” ക്രൂയിസ് മിസൈൽ, “പോസിഡോൺ” അണ്ടർവാട്ടർ ഡ്രോൺ എന്നിവയുൾപ്പെടെയുള്ള ആയുധങ്ങൾ പരീക്ഷിച്ചത് യു.എസ്. സുരക്ഷയ്ക്ക് ഭീഷണിയാണെന്ന് അദ്ദേഹം ചൂണ്ടിക്കാട്ടി.
മറ്റേതൊരു രാജ്യത്തേക്കാളും കൂടുതല്‍ ആണവായുധങ്ങള്‍ യുഎസിനുണ്ട്. റഷ്യ രണ്ടാമതാണ്, ചൈന വളരെ പിന്നിലാണെങ്കിലും അഞ്ച് വർഷത്തിനുള്ളില്‍ ഒപ്പമെത്തുമെന്ന് ട്രംപ് പറഞ്ഞു. അമേരിക്കയ്ക്ക് മറ്റ് രാജ്യങ്ങളേക്കാൾ കൂടുതൽ ആണവായുധങ്ങളുണ്ടെന്നും, തന്റെ ആദ്യ ഭരണകാലത്ത് നിലവിലുള്ള ആയുധങ്ങൾ പൂർണ്ണമായി നവീകരിച്ചെന്നും ട്രംപ് അവകാശപ്പെട്ടു. എങ്കിലും, റഷ്യയുടെ രണ്ടാം സ്ഥാനവും ചൈനയുടെ അതിവേഗത്തിലുള്ള ആണവ ശേഷി വർധനയും ആശങ്കയുണ്ടാക്കുന്നതായി അദ്ദേഹം പറഞ്ഞു.
ട്രംപിന്റെ പ്രഖ്യാപനം വന്നതിന് തൊട്ടുപിന്നാലെ റഷ്യൻ, ചൈനീസ് ഭരണകൂടങ്ങളിൽ നിന്ന് പ്രതികരണങ്ങൾ ഉണ്ടായി. റഷ്യൻ ഉദ്യോഗസ്ഥർ ട്രംപിന്റെ തീരുമാനത്തെ അപലപിച്ചു. ആയുധ നിയന്ത്രണ ഉടമ്പടികൾ ഏകപക്ഷീയമായി ലംഘിക്കാനുള്ള നീക്കമാണിതെന്നും, ഇത് ആഗോള അരക്ഷിതാവസ്ഥ വർദ്ധിപ്പിക്കുമെന്നും അവർ പ്രസ്താവിച്ചു….അതേസമയം ചൈനീസ് വിദേശകാര്യ മന്ത്രാലയം ഈ നീക്കത്തിൽ “അതിയായ ആശങ്ക” രേഖപ്പെടുത്തി. ആണവ പരീക്ഷണം നിർത്തിവെയ്ക്കാനുള്ള അന്താരാഷ്ട്ര കൺസെൻസസ് തകർക്കരുതെന്ന് ചൈന യു.എസിനോട് ആവശ്യപ്പെട്ടു.
യു.എസ്. ആണവ പരീക്ഷണം പുനരാരംഭിക്കുന്നത് പല സുപ്രധാന ഉടമ്പടികളുടെ ലംഘനത്തിന് കാരണമാകും…Comprehensive Nuclear-Test-Ban Treaty1996-ലെ ഈ ഉടമ്പടി ആണവ പരീക്ഷണം നിരോധിക്കുന്നതാണ്. യു.എസ്., ചൈന തുടങ്ങിയ രാജ്യങ്ങൾ ഈ ഉടമ്പടിയിൽ ഒപ്പിട്ടെങ്കിലും ഇതുവരെ പൂർണ്ണമായി അംഗീകരിച്ചിട്ടില്ല. 33 വർഷമായി യു.എസ്. സ്വമേധയാ ഈ നിരോധനം പാലിക്കുകയായിരുന്നു…ഈ തീരുമാനം ലോകമെമ്പാടുമുള്ള ആയുധ നിയന്ത്രണ ശ്രമങ്ങളെ ദുർബലപ്പെടുത്തുകയും പുതിയൊരു ആയുധ മത്സരം ആരംഭിക്കാൻ വഴിയൊരുക്കുകയും ചെയ്യുമെന്ന് വിദഗ്ധർ മുന്നറിയിപ്പ് നൽകുന്നു.
ചൈനീസ് പ്രസിഡന്റ് ഷീ ജിൻപിങ്ങുമായി ദക്ഷിണ കൊറിയയിലെ ബുസാനില്‍ വെച്ച്‌ കൂടിക്കാഴ്ച നിശ്ചയിച്ചിരിക്കുന്നതിന് മണിക്കൂറുകള്‍ക്ക് മുൻപാണ് ട്രംപിന്റെ ഈ പ്രഖ്യാപനം വന്നത് എന്നത് ഈ നീക്കത്തിന്‍റെ തന്ത്രപരവും പ്രതീകാത്മകവുമായ പ്രാധാന്യം വർദ്ധിപ്പിക്കുന്നു. പെന്‍റഗണ്‍ ഇതുവരെ ഔദ്യോഗിക പ്രസ്താവനയൊന്നും പുറത്തിറക്കിയിട്ടില്ലെങ്കിലും, പരീക്ഷണ സ്ഥലങ്ങളെയും സമയക്രമങ്ങളെയും കുറിച്ച്‌ പ്രതിരോധ ഉദ്യോഗസ്ഥർ ഈ ആഴ്ച അവസാനം മാധ്യമങ്ങളെ അറിയിക്കുമെന്ന് പ്രതീക്ഷിക്കുന്നു.
ട്രംപിന്റെ ഈ പ്രഖ്യാപനത്തിനെതിരെ യു.എസ്. ഡെമോക്രാറ്റിക് പാർട്ടിയിൽ നിന്നും ആയുധ നിയന്ത്രണ ഗ്രൂപ്പുകളിൽ നിന്നും ശക്തമായ വിമർശനം ഉയർന്നിട്ടുണ്ട്. ഈ നീക്കം രാജ്യസുരക്ഷ വർദ്ധിപ്പിക്കുന്നതിനു പകരം ലോകരാജ്യങ്ങൾക്കിടയിൽ സംഘർഷം വർദ്ധിപ്പിക്കുമെന്ന് അവർ അഭിപ്രായപ്പെട്ടു.
