ശബരിമല സ്വർണ്ണക്കൊള്ളയിൽ മന്ത്രി മാത്രമല്ല, തന്ത്രിമാരും സംശയത്തിന്റെ നിഴലിൽ; ”ദൈവതുല്യൻ” എന്ന പരാമർശം കടകംപള്ളി സുരേന്ദ്രനാകാം, കണ്ഠരര് തന്ത്രിമാരുമാകാം

ശബരിമല സ്വർണകൊള്ള കേസിൽ മുൻ ദേവസ്വം ബോർഡ് പ്രസിഡന്റ് എ. പത്മകുമാർ പ്രത്യേക അന്വേഷണ സംഘത്തിന് നൽകിയ മൊഴിയോടെ അന്നത്തെ ദേവസ്വം മന്ത്രിയായിരുന്ന കടകംപള്ളി സുരേന്ദ്രനും, ശബരിമല തന്ത്രിയും സംശയത്തിൻറെ നിഴലിലേക്ക് എത്തുന്നു എന്നാണ് റിപ്പോർട്ടുകൾ. ഉണ്ണികൃഷ്ണൻ പോറ്റിക്ക് മന്ത്രി കടകം പള്ളി സുരേന്ദ്രനുമായി നേരത്തെ പരിചയമുണ്ടായിരുന്നതായി പോറ്റി തന്നോട് പറഞ്ഞിരുന്നുവെന്ന് പത്മകുമാർ മൊഴി നൽകി എന്നാണ് വിവരം.

താൻ പരിചയപ്പെടുന്നതിനു മുൻപ് തന്നെ, ഉണ്ണികൃഷ്ണൻ പോറ്റി ശബരിമലയിലുള്ള ഒരു വ്യക്തിയായിരുന്നു. പോറ്റി ശബരിമലയിൽ പ്രവർത്തിച്ചിരുന്നത് തന്നെ തന്ത്രി കുടുംബത്തിന്റെ ആളായിട്ടാണ്. അതേപോലെ തന്നെ, അന്നത്തെ ദേവസ്വം മന്ത്രിയായിരുന്ന കടകംപള്ളി സുരേന്ദ്രനുമായിട്ടും ഉണ്ണികൃഷ്ണൻ പോറ്റിക്ക് പരിചയമുണ്ടായിരുന്നു എന്നാണ് പത്മകുമാർ എസ്ഐടിക്ക് നൽകിയ മൊഴിയെന്നാണ് വിവരം.

എന്നാൽ ശബരിമലയിൽ നടന്നത് സ്വർണക്കൊള്ളയാണെന്ന ആരോപണം പത്മകുമാർ ഇപ്പോഴും എസ്ഐടിക്ക് മുന്നിൽ സമ്മതിച്ചിട്ടില്ല. ശബരിമലയെ പുനരുദ്ധരിക്കാനും നവീകരിക്കാനും ഉള്ള നടപടികളാണ് നടന്നതെന്നും സ്വർണം തട്ടിയെടുക്കാൻ വേണ്ടിയല്ല ഉണ്ണികൃഷ്ണൻ പോറ്റിയുടെ പക്കൽ ഉരുപ്പടികൾ കൊടുത്തുവിട്ടതെന്നുമാണ് പത്മകുമാറിന്റെ നിലപാട്.

സ്വർണ ഉരുപ്പടികൾക്ക് കാലപഴക്കത്തെ തുടർന്നുണ്ടാകുന്ന പ്രശ്നങ്ങൾ ഉണ്ടായിരുന്നതിനാൽ അത് മിനുക്കാനും ഒപ്പം തന്നെ അറ്റകുറ്റപ്പണികൾ നടത്താനും വേണ്ടിയാണ് കൊണ്ടുപോയതെന്നും ദ്വാരപാലക പാളികളും കട്ടിളപ്പാളിയും വാതിലും ഉൾപ്പെടെയുള്ളവയാണ് ഇതിനായി കൊണ്ടുപോയതെന്നും പത്മകുമാർ പറയുന്നു. ഈ തീരുമാനം താൻ മാത്രമായി എടുത്തതല്ല, എല്ലാവരും അറിഞ്ഞുകൊണ്ടുള്ള തീരുമാനമാണ് എന്നാണ് പത്മകുമാർ മൊഴി നൽകിയിരിക്കുന്നത്.

സ്വർണ്ണക്കൊള്ളയുമായി ബന്ധപ്പെട്ട് തന്ത്രിയോ കടകംപള്ളി സുരേന്ദ്രനോ എന്തെങ്കിലും പ്രത്യേക താൽപ്പര്യം എടുത്തതായി പത്മകുമാറിന്റെ മൊഴിയിൽ വ്യക്തതയില്ല. ഈ വിഷയത്തിൽ അന്വേഷണ സംഘം കൂടുതൽ വ്യക്തത വരുത്തേണ്ടതുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്.

കേസിലെ ഒന്നാം പ്രതി ഉണ്ണികൃഷ്ണന്‍ പോറ്റിയെ ശബരിമലയില്‍ എത്തിച്ചതും തനിക്ക് പരിചയപ്പെടുത്തിയതും തന്ത്രി കണ്ഠരര് രാജീവര്‍ ആണെന്നാണ് പത്മകുമാര്‍ എസ്‌ഐടിക്ക് മൊഴി നല്‍കിയത്. പാളികള്‍ ചെന്നൈയിലേക്ക് കൊടുത്തുവിടാന്‍ തന്ത്രിമാര്‍ തന്നെയാണ് അനുമതി നല്‍കയെന്നും തന്ത്രി കൊണ്ടുവന്ന ആളായത് കൊണ്ട് താൻ ക്കണ്ണടച്ച് പോറ്റിയെ വിശ്വസിച്ചു എന്നും പത്മകുമാർ മൊഴി നല്‍കി. ഉണ്ണികൃഷ്ണൻ പോറ്റി തന്റെ ആറന്മുളയിലുള്ള വീട്ടില്‍ വരാറുണ്ടെന്നും,എന്നാൽ പോറ്റിയുമായി തനിക്ക് സാമ്പത്തിക ഇടപാട് ഉണ്ടായിരുന്നില്ല എന്നുമാണ് പത്മകുമാര്‍ പറയുന്നത്.

അതേസമയം സ്വര്‍ണ്ണപാളികള്‍ പുറത്തേക്ക് കൊണ്ടുപോകാന്‍ അനുമതി നല്‍കിയിട്ടില്ല എന്നായിരുന്നു കണ്ഠരര് രാജീവര്‍ മൊഴി നല്‍കിയത്. കഴിഞ്ഞദിവസമായിരുന്നു കണ്ഠരര് രാജീവര്, കണ്ഠരര് മോഹനര് എന്നിവരുടെ മൊഴി പ്രത്യേക അന്വേഷണ സംഘം രേഖപ്പെടുത്തിയത്. സ്വര്‍ണ്ണപ്പാളികള്‍ അറ്റകുറ്റപ്പണി നടത്താന്‍ മാത്രമാണ് അനുമതി നല്‍കിയത്. പുറത്തേക്ക് കൊണ്ടുപോകാന്‍ അനുമതി നല്‍തിയിട്ടില്ലെന്നുമാണ് വിശദീകരണം. പോറ്റിയെ ആദ്യം അറിയുന്നത് കീഴ്ശാന്തി എന്ന നിലയിലാണ്. സ്പോണ്‍സര്‍ എന്ന നിലയില്‍ പരിചയം തുടര്‍ന്നെന്നും മൊഴിയിലുണ്ട്.

എന്നാൽ ശ​ബ​രി​മ​ല സ്വ​ര്‍​ണ​ക്കൊ​ള്ള​യി​ല്‍ അ​റ​സ്റ്റ് തു​ട​ങ്ങി​യി​ട്ടേ​യു​ള്ളു എന്നും ക​ട​കം​പ​ള്ളി സു​രേ​ന്ദ്ര​ന്‍ ഉ​ള്‍​പ്പെ​ടെ​യു​ള്ള സി​പി​എ​മ്മി​ന്‍റെ ഉ​ന്ന​ത നേ​താ​ക്ക​ള്‍ ജ​യി​ലി​ല്‍ പോ​കു​മെ​ന്നും പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്‍ പറയുന്നു.

സ്വ​ര്‍​ണ​ക്കൊ​ള്ള​യി​ല്‍ മു​ഖ്യ​പ​ങ്കു​ള്ള ദേ​വ​സ്വം ബോ​ര്‍​ഡ് മു​ന്‍ പ്ര​സി​ഡ​ന്‍റ് എ. ​പ​ത്മ​കു​മാ​ര്‍ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ വി​ശ്വ​സ്ത​നാ​ണ്. പ​ത്മ​കു​മാ​റി​നെ​യും വാ​സു​വി​നെ​യും ചോ​ദ്യം ചെ​യ്ത​പ്പോ​ള്‍ ക​ട​കം​പ​ള്ളി​ക്കും പ​ങ്കു​ള്ള​താ​യി മൊ​ഴി കൊ​ടു​ത്തി​ട്ടു​ണ്ട്. ക​ട​കം​പ​ള്ളി​യും ഉ​ണ്ണി​കൃ​ഷ്ണ​ന്‍ പോ​റ്റി​യു​മാ​യു​ള്ള ബ​ന്ധ​ത്തി​ന് ഒ​ട്ടേ​റെ തെ​ളി​വു​ക​ളു​ണ്ട്. അ​തി​നാ​ല്‍ സി​പി​എം നേ​താ​ക്ക​ളു​ടെ ജ​യി​ലേ​ക്കു​ള്ള ഘോ​ഷ​യാ​ത്ര​യ്ക്ക് ഇ​നി​യും കേ​ര​ളം സാ​ക്ഷ്യം വ​ഹി​ക്കു​മെ​ന്ന് സ​തീ​ശ​ന്‍ കോ​ട്ട​യം പ്ര​സ് ക്ല​ബി​ല്‍ ന​ട​ന്ന മീ​റ്റ് ദി ​പ്ര​സി​ല്‍ പ​റ​ഞ്ഞു.

ശ​ബ​രി​മ​ല സ്വ​ര്‍​ണ​ക്കൊ​ള്ള​യി​ല്‍ ബി​ജെ​പി പി​ണ​റാ​യി സ​ര്‍​ക്കാ​രി​നെ​തി​രേ പ്ര​തി​ക​രി​ക്കാ​ത്ത​ത് അ​വ​ന്‍ ത​മ്മി​ലു​ള്ള ര​ഹ​സ്യ ധാ​ര​ണ​കൊ​ണ്ടാ​ണെന്നും സതീശൻ പറയുന്നു. വ​ട​ക്കേ ഇ​ന്ത്യ​യി​ല്‍ മി​ഷ​ന​റി​മാ​രെ ആ​ക്ര​മി​ക്കു​ക​യും പ​ള്ളി​ക​ള്‍ ത​ക​ര്‍​ക്കു​ക​യും ആ​രാ​ധ​ന ത​ട​സ​പ്പെ​ടു​ത്തു​ക​യും ചെ​യ്യു​ന്ന ബി​ജെ​പി കേ​ര​ള​ത്തി​ല്‍ ക്രൈ​സ്ത​വ​പ്രീ​ണ​നം ന​ട​ത്തു​ന്ന​ത് ഇ​ര​ട്ട​ത്താ​പ്പാ​ണ്. ആ​ട്ടി​ന്‍​തോ​ല​ണി​ഞ്ഞ ബി​ജെ​പി​യു​ടെ വ​ര്‍​ഗീ​യ അ​ജ​ന്‍​ഡ കേ​ര​ള​ത്തി​ലെ ക്രൈ​സ്ത​വ​ര്‍ മ​ന​സി​ലാ​ക്കി​യി​ട്ടു​ണ്ട്. കേ​ര​ള കോ​ണ്‍​ഗ്ര​സ് മാ​ണി വി​ഭാ​ഗ​ത്തി​ന് കി​ട്ടാ​മാ​യി​രു​ന്ന വോ​ട്ട​കൂ​ടി ഇ​ല്ലാ​താ​കാ​ന്‍ പി​ണ​റാ​യി ഭ​ര​ണം ഇ​ട​യാ​ക്കു​മെ​ന്നും സ​തീ​ശ​ന്‍ കൂ​ട്ടി​ച്ചേ​ര്‍​ത്തു.

അതേസമയം ബിജെപി മുൻ സംസ്ഥാന അധ്യക്ഷൻ കെ സുരേന്ദ്രൻ പറയുന്നത് കടകംപള്ളി സുരേന്ദ്രനെ അറസ്റ്റ് ചെയ്ത ശേഷം വേണം തന്ത്രിമാരുടെ മൊഴി എടുക്കാനെന്നാണ്. പത്മകുമാർ പിണറായിയുടെ മനസാക്ഷി സൂക്ഷിപ്പുകാരനാണെന്നും അതുകൊണ്ടാണ് പാർട്ടിയിൽ നിന്നും പുറത്താക്കാത്തതെന്നും കെ സുരേന്ദ്രൻ പറഞ്ഞു. സ്വർണ്ണക്കൊള്ള ആസൂത്രണം ചെയ്തിരിക്കുന്നത് കടകംപള്ളി സുരേന്ദ്രന്‍റെ നേതൃത്വത്തിലാണെന്നും എൻ വാസുവും എ പത്മകുമാറും പിണറായി വിജയന്‍റെ അടുത്ത അനുയായികൾ ആയത് കൊണ്ടുതന്നെ മുഖ്യമന്ത്രി അറിഞ്ഞുകൊണ്ടാണ് ശബരിമലയിലെ സ്വർണ്ണ കൊള്ള നടന്നതെന്നും സുരേന്ദ്രൻ ആരോപിക്കുന്നു.