വിവാഹ വാഗ്ദാനം നല്കി ബലാത്സംഗം, ഗര്ഭം ധരിക്കാന് നിര്ബന്ധിച്ചു; രാഹുല് മാങ്കൂട്ടത്തിലിനെതിരെ മറ്റൊരു യുവതി
National Desk
Posted On December 2, 2025
ബലാത്സംഗ കേസിലെ പ്രതിയായ രാഹുല് മാങ്കൂട്ടത്തിലിനെതിരെ ഗുരുതര പരാതിയുമായി മറ്റൊരു യുവതിയും രംഗത്ത്. വിവാഹ വാഗ്ദാനം നല്കി ബലാത്സംഗം ചെയ്തു എന്നാണ് പരാതിയില് പറയുന്നത്. ഗര്ഭം ധരിക്കാന് രാഹുല് നിര്ബന്ധിച്ചതായും ജീവഭയം കാരണമാണ് ഇക്കാര്യം പൊലീസില് പറയാതിരുന്നതെന്നും 23കാരിയുടെ പരാതിയില് പറയുന്നു. കെപിസിസി പ്രസിഡന്റ് സണ്ണി ജോസഫിനും കോണ്ഗ്രസ് ദേശീയ നേതാക്കളായ രാഹുല് ഗാന്ധിക്കും പ്രിയങ്ക ഗാന്ധിക്കും യുവതി പരാതി നല്കി.
സാമൂഹിക മാധ്യമത്തിലൂടെയാണ് രാഹുലിനെ പരിചയപ്പെട്ടത്. കുടുംബത്തിന്റെ അനുമതിയോടെ വിവാഹത്തിന് തയ്യാറാണെന്ന് രാഹുല് മാങ്കൂട്ടത്തില് പറഞ്ഞു. തുടര്ന്ന് സംസ്ഥാനത്തിന് വെളിയിലുള്ള തന്നെ കേരളത്തിലേക്ക് വിളിച്ചുവരുത്തി. നേരിട്ട് പരിചയപ്പെടാന് എന്ന് പറഞ്ഞ് ഹോം സ്റ്റേയില് എത്തിച്ചു. തുടര്ന്ന് ഹോം സ്റ്റേയില് വച്ചായിരുന്നു പീഡനമെന്നും പരാതിയില് പറയുന്നു.
പരാതിയില് രാഹുല് മാങ്കൂട്ടത്തിലിന്റെ ഉറ്റ സുഹൃത്തായ ഫെനി നൈനാന്റെ പേരും പരാമര്ശിക്കുന്നുണ്ട്. ഇരുവരും ചേര്ന്നാണ് തന്നെ ഹോം സ്റ്റേയിലേക്ക് വിളിച്ചുവരുത്തിയത്. തുടര്ന്ന് രാഹുല് മാങ്കൂട്ടത്തില് തന്നെ ബലംപ്രയോഗിച്ച് കീഴ്പ്പെടുത്തി. ആരോഗ്യപ്രശ്നങ്ങള് ഉണ്ടായി. ശ്വാസംമുട്ടല് അനുഭവപ്പെട്ടു. മരുന്ന് നല്കിയ ശേഷം രാഹുല് മാങ്കൂട്ടത്തില് വീണ്ടും പീഡിപ്പിച്ചു എന്നും പരാതിയില് പറയുന്നു.
