യുവനടിയെ പീഡിപ്പിച്ച കേസ്; വിജയ് ബാബു ദുബായില്‍ മടങ്ങിയെത്തിയതായി പൊലീസ്

യുവനടിയെ പീഡിപ്പിച്ച കേസിലെ പ്രതിയായ നടനും നിര്‍മ്മാതാവുമായ വിജയ് ബാബു ജോര്‍ജിയയില്‍ നിന്ന് ദുബായില്‍ മടങ്ങിയെത്തിയതായി പൊലീസ്. വിജയ് ബാബുവിന്റെ മുന്‍കൂര്‍ ജാമ്യാപേക്ഷ ഇന്ന് കോടതി പരിഗണിച്ചിരുന്നു. തുടര്‍ന്നാണ് വിജയ് ബാബു ദുബായില്‍ എത്തിയെന്ന വിവരവും പുറത്ത് വന്നിരിക്കുന്നത്.

പ്രതിയുടെ മുന്‍കൂര്‍ ജാമ്യാപേക്ഷ കോടതി പരിഗണിച്ചെങ്കിലും പ്രതി സ്ഥലത്തെത്തിയിട്ട് ബാക്കി തീരുമാനിക്കാം എന്നായിരുന്നു കോടതിയുടെ മറുപടി. ദുബായിലെത്തിയ വിജയ് ബാബുവിനെ കേരളത്തിലെത്തിക്കാന്‍ ഊര്‍ജ്ജിതമായ ശ്രമം നടത്തുതയാണെന്ന് പൊലീസ് അധികൃതര്‍ അറിയിച്ചു. പ്രത്യേക യാത്രാ രേഖകള്‍ നല്‍കി കേരളത്തില്‍ എത്തിക്കാനാണ് ശ്രമം നടത്തുക. പൊലീസ് കേസ് രജിസ്റ്റര്‍ ചെയ്ത അന്നു തന്നെ ഒളിവില്‍ പോയ പ്രതി പലതവണ ചോദ്യം ചെയ്യാന്‍ വിളിച്ചിട്ട് ഹാജരാക്കാത്തതിനെ തുടര്‍ന്ന് ബ്ലൂ കോര്‍ണര്‍ നോട്ടീസ് പുറത്തുവിട്ട് പാസ്‌പോര്‍ട്ട് റദ്ദാക്കിയിരുന്നു. അതിനാലാണ് പ്രത്യേക യാത്രാരേഖ നല്‍കുന്നതെന്ന് പൊലീസ് വ്യക്തമാക്കി. ചൊവ്വാഴ്ച്ച വൈകുന്നേരം പ്രതിയെ കൊച്ചിയിലെത്തിക്കാനാണ് ശ്രമം.

Content Highlight – Case of molestation of a young girl; Vijay Babu has returned to Dubai