എല്‍ഡിഎഫ് സ്ഥാനാര്‍ത്ഥിയുടെ വ്യാജ വീഡിയോ എല്‍ഡിഎഫ് നാടകമെന്ന് സുരേഷ് ഗോപി

തൃക്കാക്കരയിലെ എല്‍ഡിഎഫ് സ്ഥാനാര്‍ത്ഥിക്കെതിരെ പുറത്തുവന്ന വ്യാജ അശ്ലീല വീഡിയോ എല്‍ഡിഎഫ് നാടകമെന്ന് സുരേഷ് ഗോപി. തെരഞ്ഞെടുപ്പു വിജയത്തിനായി എല്‍ഡിഎഫ് എന്തു പണിയും ചെയ്യുമെന്നും അതൊക്കെ നാട്ടുകാര്‍ക്ക് അറിയാമെന്നുമാണ് സുരേഷ് ഗോപി കൂട്ടിച്ചേര്‍ത്തു. തൃക്കാക്കരയില്‍ എ.എന്‍.രാധാകൃഷ്ണന്റെ പ്രചാരണത്തിനെത്തിയ സുരേഷ് ഗോപി മാധ്യമങ്ങളാേട് സംസാരിക്കുകയായിരുന്നു.

എല്‍ഡിഎഫ് സര്‍ക്കാരിനെതിരെ രൂക്ഷ വിമര്‍ശനങ്ങള്‍ ഉന്നയിച്ചു കൊണ്ടായിരുന്നു സുരേഷ് ഗോപി മണ്ഡലത്തില്‍ വിവിധയിടങ്ങളില്‍ പ്രസംഗിച്ചത്. തൃക്കാക്കര ഉപതെരഞ്ഞെടുപ്പിന് വഴിവെച്ച സാഹചര്യത്തെ വളരെ വൃത്തിഹീനമായ ദൃഷ്ടിയോടെ കണ്ട ആളുകളുടെ ജല്‍പനങ്ങള്‍ നമ്മള്‍ കേട്ടതാണ്. പി.ടി. എന്ന മഹാനായ എം.എല്‍.എ, അദ്ദേഹത്തിന് തൃക്കാക്കരക്കായി എന്തു ചെയ്യാന്‍ സാധിച്ചുവെന്ന് ചോദിച്ച് നാം വിഷമിപ്പിക്കേണ്ടതില്ല.

എതിര്‍കക്ഷിയില്‍പ്പെട്ട എം.പിയുടെയും എം.എല്‍.എയുടെയും പദ്ധതികളെ എങ്ങനെ മുടക്കാമെന്നതില്‍ ട്രിപ്പിള്‍ പി.എച്ച്ഡി എടുത്ത സര്‍ക്കാരാണ് കേരളം ഭരിക്കുന്നതെന്നും സുരേഷ് ഗോപി കുറ്റപ്പെടുത്തി.

Content Highlighst: Suresh Gopi, BJP, Thrikkakkara, By Election