ഇടുക്കി പൂപ്പാറയില്‍ 15കാരിക്കു നേരെ കൂട്ടലൈംഗികാതിക്രമം; രണ്ട് പേര്‍ കസ്റ്റഡിയില്‍

ഇടുക്കി പൂപ്പാറയില്‍ 15കാരിയായ പെണ്‍കുട്ടിക്ക് നേരെ കൂട്ടലൈംഗികാതിക്രമം. ഇതര സംസ്ഥാനക്കാരിയായ പെണ്‍കുട്ടിയെയാണ് അതിക്രമത്തിന് ഇരയാക്കിയത്. സംഭവത്തില്‍ 2 പേരെ പോലീസ് കസ്റ്റഡിയില്‍ എടുത്തു. ഇന്നലെ വൈകിട്ടാണ് സംഭവം.

സുഹൃത്തിനൊപ്പം പൂപ്പാറ കാണാനെത്തിയ പെണ്‍കുട്ടിയെ പ്രദേശവാസികളായ നാലു പേര്‍ ചേര്‍ന്ന് ആക്രമിക്കുകയായിരുന്നു. സുഹൃത്തിനെ മര്‍ദ്ദിക്കുകയും പെണ്‍കുട്ടിയെ ലൈംഗികാതിക്രമത്തിനിരയാക്കുകയും ചെയ്തു. സംഭവത്തില്‍ ഇന്നലെ തന്നെ പൊലീസ് കേസെടുത്തിട്ടുണ്ട്.

പെണ്‍കുട്ടിയെ വൈദ്യ പരിശോധനക്ക് വിധേയയാക്കി. അന്വേഷണം ആരംഭിച്ച പൊലീസ് രണ്ട് പേരെ പിടികൂടി. ഇവരെ ചോദ്യം ചെയ്യുകയാണ്. പ്രതികളിലൊരാള്‍ക്ക് പ്രായപൂര്‍ത്തിയായിട്ടില്ലെന്നാണ് വിവരം.

Content Highlights: Rape, Pooppara, Police