പാലക്കാട് സ്വകാര്യ ട്രാവല്‍സിന്‍റെ ബസ് മറിഞ്ഞു; ഒരു മരണം

പാലക്കാട് ദീര്‍ഘദൂര സര്‍വിസ് നടത്തുന്ന സ്വകാര്യ ട്രാവല്‍സിന്റെ ബസ് നിയന്ത്രണം വിട്ട് മറിഞ്ഞ് ഒരാൾ മരിച്ചു. തിരുവാഴിയോട് കാര്‍ഷിക വികസന ബാങ്കിന് മുന്നിലാണ് അപകടം നടന്നത്. ചെന്നൈ-കോഴിക്കോട് റൂട്ടിലോടുന്ന ബസാണ് ഇറക്കത്തില്‍ നിയന്ത്രണം വിട്ട് മറിഞ്ഞത്.

ജീവനക്കാര്‍ ഉള്‍പ്പെടെ 38 പേരാണ് ബസിലുണ്ടായിരുന്നത്. നേരത്തെ രണ്ടുപേര്‍ മരിച്ചതായി ഒറ്റപ്പാലം എം.എല്‍.എ പ്രേംകുമാര്‍ പറഞ്ഞിരുന്നു. എന്നാല്‍, ഒരു മരണമാണ് ഇതുവരെ ഔദ്യോഗികമായി സ്ഥിരീകരിച്ചത്. നിരവധി പേര്‍ക്ക് പരുക്കേറ്റതായും ഇതില്‍ രണ്ടുപേരുടെ നില ഗുരുതരമാണെന്നും പറയുന്നു.
പരുക്കേറ്റവരെ നാട്ടുകാരും ഫയര്‍ഫോഴ്സും ചേര്‍ന്നാണ് സമീപത്തെ ആശുപത്രികളിലെത്തിച്ചത്. നിയന്ത്രണം വിട്ട ബസ് റോഡിന് നടുവില്‍ തന്നെ മറിയുകയായിരുന്നു.