സൂറത്തില്‍ കെട്ടിടം തകര്‍ന്നുണ്ടായ അപകടം: മരിച്ചവരുടെ എണ്ണം ഏഴായി

സൂറത്തില്‍ ആറുനില കെട്ടിടം തകർന്നുവീണുണ്ടായ അപകടത്തില്‍ മരിച്ചവരുടെ എണ്ണം ഏഴായി. ഇന്ന് രാവിലെ ആറുമണിയോടെയാണ് അവശിഷ്ടങ്ങള്‍ക്കിടയില്‍ നിന്ന് ഏഴാമത്തെ മൃതദേഹം ലഭിച്ചത്.

അവശിഷ്ടങ്ങള്‍ക്കിടയില്‍ ഇനിയും ചിലർ കുടുങ്ങിക്കിടക്കുന്നുണ്ടെന്നും ഇവരെ രക്ഷപ്പെടുത്താനുള്ള ശ്രമങ്ങള്‍ തുടരുകയാണെന്നും റിപ്പോർട്ടുണ്ട്. ‘അവശിഷ്ടങ്ങള്‍ക്കിടയില്‍ നടത്തിയ തിരച്ചിലിലാണ് ഏഴുപേരുടെ മൃതദേഹങ്ങള്‍ കണ്ടെടുത്തത്.രാത്രി മുഴുവൻ തിരച്ചില്‍ തുടർന്നു. തിരച്ചില്‍ ഇപ്പോഴും തുടരുകയാണ്’ എന്നാണ് സൂറത്തിലെ ചീഫ് ഫയർ ഓഫീസർ ബസന്ത് പരീഖ് പറയുന്നത്.

രക്ഷാപ്രവർത്തനത്തിന് കൂടുതല്‍ സംഘത്തെ നിയോഗിച്ചിട്ടുണ്ട്. സൂറത്ത് പൊലീസ് കമ്മീഷണർ അനുപം സിംഗ് ഗെലോട്ട് രക്ഷാപ്രവർത്തനങ്ങള്‍ക്ക് നേതൃത്വം നല്‍കാൻ സ്ഥലത്ത് ക്യാമ്ബ് ചെയ്യുകയാണ്. രക്ഷാപ്രവർത്തനത്തിന്റെ തുടക്കത്തില്‍ അവശിഷ്ടങ്ങള്‍ക്കിടയില്‍ കുടുങ്ങിയവരുടെ ശബ്ദം കേട്ടതായി പൊലീസ് സ്ഥിരീകരിച്ചിട്ടുണ്ട്.