തിരുവല്ലയില്‍ കാര്‍ ഒഴുക്കില്‍പെട്ട് രണ്ടുപേര്‍ക്ക് ദാരുണാന്ത്യം

പത്തനംതിട്ടയില്‍ കാര്‍ ഒഴുക്കില്‍പെട്ട് രണ്ടുപേര്‍ മരിച്ചു. തിരുവല്ല വെണ്ണിക്കുളം ക്ലലുപാലത്തിലാണ് സംഭവം നടന്നത്. രാവിലെ ഏഴു മണിയോടെയാണ് സംഭവം നടന്നത്. മുന്നില്‍ പോയ വാഹനത്തെ ഓവര്‍ടേക്ക് ചെയ്യുന്നതിനിടെ കാര്‍ നിയന്ത്രണം വിട്ട് തോട്ടിലേക്ക് മറിയുകയായിരുന്നു.

കാറില്‍ രണ്ട് സ്ത്രീകളും ഒരു യുവാവുമാണ് ഉണ്ടായിരുന്നതായാണ് റിപ്പോര്‍ട്ടുകള്‍. തിരുവനന്തപുരം രജിസിട്രേഷനുള്ള കാറാണ് അപകടത്തില്‍പെട്ടത്. പരിക്കേറ്റ മൂന്നാമത്തെയാള്‍ ചികിത്സയിലാണ്. ഇയാളുടെ നില ഗുരുതരമായി തുടരുകയാണ്.

പത്തനംതിട്ട ജില്ലയില്‍ അതിശക്തമായ മഴ തുടരുകയാണ്. അതിതീവ്ര മഴ മുന്നറിയിപ്പില്‍ ജില്ലയിലെ വിനോദ സഞ്ചാരകേന്ദ്രങ്ങള്‍ അടച്ചു.

Content Highlights – Car fell into the river, Two people died