ജയില്‍ ചാടിയ കൊലക്കേസ് പ്രതി മധുരയില്‍ പിടിയില്‍

സെൻട്രല്‍ ജയിലില്‍നിന്ന്‌ ചാടിപ്പോയ കൊലക്കേസ് പ്രതിയെ തമിഴ്നാട്ടില്‍നിന്ന് പിടികൂടി. ഇടുക്കി വണ്ടന്മേട് സ്വദേശി മണികണ്ഠനെയാണ് മധുരയില്‍നിന്ന് ഒരാഴ്ചക്ക് ശേഷം ജയില്‍ ജീവനക്കാരുടെ പ്രത്യേകസംഘം പിടികൂടിയത്.

കഴിഞ്ഞ ബുധനാഴ്ച പുലർച്ചെയാണ് ചപ്പാത്തി നിർമാണ പ്ലാന്‍റില്‍നിന്ന് പ്രതി ഒളിച്ചുകടന്നത്. കൊലക്കേസില്‍ ജീവപര്യന്തം ശിക്ഷയനുഭവിച്ചുവരികയായിരുന്നു. ചപ്പാത്തി പ്ലാന്‍റിലെ ജനറേറ്ററിന് ഡീസലടിക്കാനാണ് ഇയാളെ ചൊവ്വാഴ്ച പ്ലാന്റിന് പുറത്തെത്തിച്ചത്. ആ സമയത്താണ് സമീപത്തെ മതില്‍ചാടി രക്ഷപ്പെട്ടത്. അവിടെനിന്ന് ഇ‍യാള്‍ തമിഴ്നാട്ടിലേക്ക് കടക്കുകയായിരുന്നു.