മുംബയ് വിമാനത്താവളത്തില്‍ വമ്ബൻ ലഹരി വേട്ട; ഇരുപതുകാരി ബാഗില്‍ കടത്തിയത് 40 കോടി രൂപയുടെ കൊക്കെയ്ൻ

40 കോടി രൂപ വിലമതിക്കുന്ന കൊക്കെയ്നുമായി തായ്‌ലാൻഡ് യുവതി വിമാനത്താവളത്തില്‍ പിടിയിലായി. ആഡിസ് അബാബയില്‍ നിന്നും മുംബയ് വിമാനത്താവളത്തിലെത്തിയപ്പോഴാണ് യുവതിയെ ഡിആര്‍ഐ സംഘം അറസ്റ്റ് ചെയ്തത്. ഇന്ന് പുലര്‍ച്ചയോടെയായിരുന്നു സംഭവം.

യുവതി കൊക്കെയ്ൻ കടത്തുന്നതുമായി ബന്ധപ്പെട്ട് ലഭിച്ച വിവരത്തെ തുടര്‍ന്നാണ് ഡിആര്‍ഐ അന്വേഷണം നടത്തിയത്. ആദ്യപരിശോധനയില്‍ സംഘത്തിന് യുവതിയില്‍ നിന്നും പ്രത്യേകിച്ച്‌ തെളിവുകളൊന്നും ലഭിച്ചിരുന്നില്ലെന്ന് ഡിആര്‍ഐ ഉദ്യോഗസ്ഥൻ പറ‌ഞ്ഞു. തുടര്‍ന്ന് യുവതിയുടെ ബാഗ് പരിശോധിച്ചപ്പോള്‍ വെളള നിറത്തിലുളള പൊടി നിറച്ച പാക്കറ്റുകള്‍ കണ്ടത്തിയിരുന്നു. വിശദമായ പരിശോധനകള്‍ക്കൊടുവിലാണ് പാക്കറ്റിലുളളത് കൊക്കെയ്നാണെന്ന് സ്ഥിരീകരിച്ചതെന്ന് അന്വേഷണസംഘം അറിയിച്ചു.