ആറ് കിലോ ഹാഷിഷ് ഓയിലുമായി രണ്ട് പേര്‍ തൃശൂരില്‍ പിടിയില്‍

തൃശൂർ റെയിൽവെ സ്റ്റേഷനിൽ നിന്ന് ആറ് കിലോ ഹാഷിഷ് ഓയിൽ പിടികൂടി. കൊച്ചി കണ്ണമാലി സ്വദേശി സേവ്യർ ജെറീഷ്, അഖിൽ ആന്റണി എന്നിവരാണ് പിടിയിലായത്. ട്രെയിൻ വഴി ഹാഷിഷ് ഓയിൽ കടത്താൻ ശ്രമിക്കുന്നതിനിടെയാണ് ഇരുവരും എക്സൈസിന്റെ പിടിയിൽ ആയത്. രണ്ട് പേരെയും കസ്റ്റഡിയിലെടുത്തു. പിന്നിൽ കൂടുതൽ ആളുകളുണ്ടോ എന്ന കാര്യം പരിശോധിച്ചു വരികയാണ്.

സംസ്ഥാനത്ത് കഞ്ചാവ് മയക്ക് മരുന്ന് തുടങ്ങിയ കടത്തുന്ന സംഘങ്ങൾ സജീവമാണെന്ന റിപ്പോർട്ടുകളുടെ അടിസ്ഥാനത്തിൽ വ്യാപക പരിശോധനയാണ് നടക്കുന്നത്. റെയിൽവെ സ്റ്റേഷൻ, ബസ് സ്റ്റാന്‍ഡ് തുടങ്ങിയ സ്ഥലങ്ങൾ കേന്ദ്രീകരിച്ച വ്യാപക പരിശോധനയാണ് നടക്കുന്നത്.

Content Highlight: 6 kg hashish oil captured at Thrissur railway station