ഇന്ന് മഹാശിവരാത്രി; ക്ഷേത്രങ്ങളില്‍ വിശേഷാല്‍ പൂജകള്‍

ശിവഭഗവാനെ രാപ്പകല്‍ ഭജിച്ച്‌ ഭക്തർ നിർവൃതികൊള്ളുന്ന മഹാശിവരാത്രി ഇന്ന്. കുംഭമാസത്തിലെ കൃഷ്ണപക്ഷ ചതുർദ്ദശി നാളിലാണ് മഹാശിവരാത്രി.

വ്രതശുദ്ധിയോടെ ഭക്തർ ഇന്ന് ക്ഷേത്രങ്ങളില്‍ രാത്രി മുഴുവൻ ഉറക്കമിളച്ച്‌ ശിവഭജനം നടത്തും. ക്ഷേത്രങ്ങളില്‍ പ്രത്യേക പൂജകള്‍, ഹോമം, അഭിഷേകം, എഴുന്നള്ളത്ത് എന്നിവ ഉണ്ടായിരിക്കും.

സംസ്ഥാനത്തെ വിവിധ ശിവക്ഷേത്രങ്ങളില്‍ വിശേഷാല്‍ പൂജകള്‍ നടക്കും. കലാപരിപാടികളും അരങ്ങേറും, ആലുവ ശിവക്ഷേത്രത്തില്‍ ആയിരക്കണക്കിന് ഭക്തർ ദർശനത്തിനെത്തും. ബലി തർപ്പണത്തിന് 116 ബലിത്തറകള്‍ ഒരുക്കിയിട്ടുണ്ട്. വൈകിട്ട് നാലു മുതല്‍ നാളെ ഉച്ചക്ക് 2 മണി വരെ ആലുവയില്‍ ഗതാഗത നിയന്ത്രണം ഏർപ്പെടുത്തിയിട്ടുണ്ട്.