ഓപ്പറേഷന്‍ ഡി ഹണ്ട്: സംസ്ഥാന വ്യാപകമായി പരിശോധന,130 പേര്‍ അറസ്റ്റില്‍
National Desk
Posted On March 27, 2025
0
20 Views
ഓപ്പറേഷന്‍ ഡി ഹണ്ടിന്റെ ഭാഗമായി സംസ്ഥാനവ്യാപകമായി നടത്തിയ സ്‌പെഷ്യല്‍ ഡ്രൈവില്‍ 130 പേര്‍ അറസ്റ്റില്‍. ഇന്നലെ നടന്ന പരിശോധനയില്‍ സംസ്ഥാനത്താകെ നിരോധിത മയക്കുമരുന്ന് കൈവശം വച്ചതിന് 122 കേസുകള്‍ രജിസ്റ്റര്‍ ചെയ്തു. ഈ കേസുകളില്‍ എല്ലാം കൂടി മാരക മയക്കുമരുന്നുകളായ എംഡിഎംഎ 28.81 ഗ്രാം, കഞ്ചാവ് 14.689 കി.ഗ്രാം, കഞ്ചാവ് ബീഡി 92 എണ്ണം എന്നിവ പൊലീസ് പിടിച്ചെടുത്തു.
മയക്കുമരുന്ന് വില്‍പ്പനയില്‍ ഏര്‍പ്പെടുന്നതായി സംശയിക്കുന്ന 2572 പേരെ പരിശോധനക്ക് വിധേയമാക്കി. മയക്കുമരുന്നുകളുടെ സംഭരണത്തിലും വിപണനത്തിലും ഏര്‍പ്പെട്ടിരിക്കുന്നവരെ കണ്ടുപിടിച്ച് കര്‍ശന നിയമനടപടികള്‍ സ്വീകരിക്കുന്നതിനാണ് 2025 മാര്‍ച്ച് 25ന് സംസ്ഥാന വ്യാപകമായി ഓപ്പറേഷന്‍ ഡി ഹണ്ട് നടത്തിയത്.
