കെ കെ രാകേഷിന്റെ ഭാര്യ പ്രിയ വർഗീസ് അസോസിയേറ്റ് പ്രൊഫസർ; നിയമനം നേരത്തെ വിവാദമായ അതേ പോസ്റ്റിൽ

സി പി എം നേതാവ് കെ കെ രാകേഷിന്റെ ഭാര്യ പ്രിയാ വർഗീസിനെ മലയാളം അസോസിയേറ്റ് പ്രൊഫസറായി നിയമിച്ചു. കണ്ണൂർ സർവകലാശാല സിൻഡിക്കേറ്റിന്റെതാണ് തീരുമാനം. മതിയായ യോഗ്യതയില്ലെന്ന പേരിൽ നേരത്തെ പ്രിയയുടെ നിയമനം വിവാദമായിരുന്നു. ഇപ്പോൾ മറ്റ് രാഷ്ട്രീയ സംഭവ വികാസങ്ങൾക്കിടയിലാണ് പ്രിയയെ വീണ്ടും അതേ പോസ്റ്റിലേക്ക് നിയമിച്ചത്.

കഴിഞ്ഞ ദിവസമാണ് പ്രിയാ വർഗീസിന്റെ നിയമനം സ്ഥിരീകരിച്ച് ഉത്തരവ് പുറത്തിറങ്ങിയത്. 2021 നവംബറിൽ പ്രിയയെ നിയമിക്കാൻ നടത്തിയ നീക്കം വലിയ വിവാദങ്ങൾക്കാണ് വഴിവെച്ചത്.

മതിയായ അധ്യാപയ യോഗ്യതയില്ലെന്നായിരുന്നു അന്ന് പ്രധാനമായും ഉയർന്നിരുന്ന വാദം. നിയമനം വിവാദമായതോടെ റാങ്ക്ലിസ്റ്റ് ഉൾപ്പെടെ മരവിപ്പിച്ചു. ഈ റാങ്ക്ലിസ്റ്റിൽ ഒന്നാം റാങ്ക് പ്രിയക്ക് തന്നെയായിരുന്നു എന്ന് വാർത്തകൾ വന്നിരുന്നു. എന്നാൽ പിന്നീട് റാങ്ക് ലിസ്റ്റ് പുതുക്കി പ്രസിദ്ധീകരിക്കുകയോ നിയമം നടത്തുകയോ ചെയ്തിരുന്നില്ല.

Content Highlights: Priya Varghese appointment Kannur University