രാഹുല്‍ ഗാന്ധിയുടെ നാവ് ചുടണമെന്ന പരാമര്‍ശം ; ബിജെപി എംപി അനില്‍ ബോണ്ടെയ്‌ക്കെതിരെ കേസ്

പ്രതിപക്ഷ നേതാവ് രാഹുല്‍ ഗാന്ധിയുടെ നാവ് ചുടണമെന്ന പരാമര്‍ശം നടത്തിയ ബിജെപി രാജ്യസഭാ എംപി അനില്‍ ബോണ്ടെയ്ക്കെതിരെ കേസ്. രാജ്പത് പൊലീസാണ് കേസെടുത്തത്.

എഫ്‌ഐആര്‍ ചുമത്തിയതിന് പിന്നാലെ അമേരിക്കയിലെ സര്‍വകലാശാലയില്‍ സംവരണത്തെക്കുറിച്ച്‌ രാഹുല്‍ ഗാന്ധി നടത്തിയ പരാമര്‍ശത്തില്‍ കേസെടുക്കണമെന്ന് അനില്‍ ബോണ്ടെ ആവശ്യപ്പെട്ടു. പട്ടികജാതി-പട്ടികവര്‍ഗ വിഭാഗക്കാരായ ബിജെപി പ്രവര്‍ത്തകര്‍ പൊലീസ് സ്റ്റേഷനിലെത്തി ഈ ആവശ്യം ഉന്നയിക്കണമെന്നും അദ്ദേഹം ആവശ്യപ്പെട്ടു.

സംവരണത്തക്കുറിച്ചുള്ള രാഹുല്‍ ഗാന്ധിയുടെ പരാമര്‍ശം അപകടകരവും ബഹുജന്‍ സമുദായങ്ങളുടെ വികാരത്തെ വ്രണപ്പെടുത്തുന്നതാണെന്നും പറഞ്ഞായിരുന്നു അനില്‍ ബോണ്ടെ രാഹുല്‍ ഗാന്ധിക്കെതിരെ വിദ്വേഷ പരാമര്‍ശം നടത്തിയത്.