റായ്ബറേലിയിലും വയനാട്ടിലും രാഹുലിന് ലീഡ്

ലോക്‌സഭാ തെരഞ്ഞെടുപ്പിന്‍റെ ആദ്യഫല സൂചനകള്‍ പുറത്തുവരുമ്ബോള്‍ മത്സരിച്ച രണ്ട് മണ്ഡലങ്ങളിലും കോണ്‍ഗ്രസ് നേതാവ് രാഹുല്‍ ഗാന്ധിക്ക് ലീഡ്.

വയനാട്ടില്‍ 829 വോട്ടിന് രാഹുല്‍ മുന്നിലാണ്. യുപിയിലെ റായ്ബറേലിയിലും രാഹുലിന് ലീഡുണ്ട്. ബിജെപി നേതാവ് ദിനേഷ് പ്രതാപ് സിംഗാണ് രാഹുല്‍ ഗാന്ധിയ്‌ക്കെതിരെ റായ്ബറേലിയില്‍ മത്സരിക്കുന്നത്.

അമേഠിയില്‍ നിന്ന് മൂന്ന് തവണ എംപിയായി വിജയിച്ച രാഹുല്‍ 2019ല്‍ സ്മൃതി ഇറാനിക്കെതിരെ മത്സരിച്ച്‌ തോറ്റു. നേരത്തേ അമ്മ സോണിയാഗാന്ധി മത്സരിച്ചിരുന്ന റായ്ബറേലിയില്‍ ഇത്തവണ രാഹുലിനെ മത്സരിപ്പിക്കാൻ പാർട്ടി തീരുമാനിക്കുകയായിരുന്നു.