പ്രിയങ്കയ്‌ക്കെതിരെ വയനാട് മത്സരിക്കാൻ ഖുശ്ബു എത്തുമോ?

വയനാട്ടില്‍ നിന്ന് ലോക്‌സഭയിലേക്ക് ജനവിധി തേടുന്ന കോണ്‍ഗ്രസ് നേതാവ് പ്രിയങ്കാഗാന്ധിയെ നേരിടാൻ നടിയും പാർട്ടിയുടെ തമിഴ്നാട് നേതാവുമായ ഖുശ്ബുവിനെ ബിജെപി രംഗത്തിറക്കുമെന്ന തരത്തില്‍ കഴിഞ്ഞ ദിവസം വാർത്തകള്‍ വന്നിരുന്നു.

ഇപ്പോഴിതാ സംഭവത്തില്‍ പ്രതികരിച്ചരിക്കുകയാണ് ഖുശ്ബു. വയനാട്ടില്‍ തന്റെ സ്ഥാനാർഥിത്വത്തെപ്പറ്റി അറിയില്ലെന്നാണ് നടി ഒരു മലയാളം ഓണ്‍ലെെൻ മാദ്ധ്യമത്തോട് പ്രതികരിച്ചത്. വയനാട്ടില്‍ മത്സരിക്കണമെന്ന ആവശ്യവുമായി ഇതുവരെ ആരും സമീപിച്ചിട്ടില്ലെന്നും ഖുശ്ബു പറഞ്ഞു.

‘വയനാട് ഉപതിരഞ്ഞെടുപ്പിമായി ബന്ധപ്പെട്ട് എന്നെ ആരും സമീപിച്ചിട്ടില്ല. പ്രചരിക്കുന്ന റിപ്പോർട്ടുകളെ കുറിച്ച്‌ അറിയില്ല. ദേശീയ നേതൃത്വമോ സംസ്ഥാന നേതൃത്വമോ ഇത് സംബന്ധിച്ച്‌ എന്നോട് സംസാരിച്ചിട്ടില്ല’,- ഖുശ്ബു വ്യക്തമാക്കി.