രാജ്യം ഇന്ന് ആറാം ഘട്ട വോട്ടെടുപ്പിലേക്ക്..
എല്ലാ കണ്ണുകളും ഡൽഹിയിലേക്ക് ..

ലോക്സഭാ തിരഞ്ഞെടുപ്പിന്റെ ആറാംഘട്ട വോട്ടെടുപ്പ് ആരംഭിച്ചു . എട്ട് സംസ്ഥാനങ്ങളിലെ 58 ലോക്സഭാ മണ്ഡലങ്ങളിലാണ് ഇന്ന് വിധിയെഴുതുന്നത് . അതോടൊപ്പം ഒഡീഷയിലെ 42 നിയമസഭാ സീറ്റുകളിലും ഇന്നാണ് വോട്ടെടുപ്പ് നടക്കുന്നത് . കനയ്യ കുമാര്‍ , മെഹബൂബ മുഫ്തി, ധര്‍മേന്ദ്ര പ്രധാന്‍, മനോഹര്‍ ലാല്‍ ഖട്ടര്‍, ദീപേന്ദര്‍ സിങ് ഹൂഡ തുടങ്ങിയവരുൾപ്പെടെ നിരവധി പ്രമുഖരാണ് ഇന്ന് ജനവിധി തേടുന്നത്. കൂടാതെ ഡൽഹിയിലെ എല്ലാ മണ്ഡലങ്ങളിലും ഇന്നാണ് പോളിങ്. രാവിലെ ഏഴ് മണി മുതൽ വൈകീട്ട് ആറുവരെയാണ് വോട്ടെടുപ്പ്.ഡൽഹിയ്ക്ക് പുറമെ ഹരിയാനയിലെയും എല്ലാ സീറ്റുകളിലും ഇന്ന് ഒറ്റഘട്ടമായാണ് വോട്ടെടുപ്പ് നടക്കുന്നത് . ഡൽഹിയിൽ ആകെ ഏഴ് ലോക്സഭ സീറ്റുകളാണുള്ളത് ഹരിയാനയിൽ പത്തും. ഇതിനുപുറമെ ഉത്തർപ്രദേശിലെ പതിനാല് മണ്ഡലങ്ങളിലും ബംഗാളിലും ബിഹാറിലും എട്ട് മണ്ഡലങ്ങളിലുമടക്കമാണ് ഇന്ന് വോട്ടെടുപ്പ് നടക്കുന്നത്. നേരത്തെ മാറ്റി വെച്ച അനന്തനാഗ് രജൗരി മണ്ഡലത്തിലും ഇന്നാണ് വോട്ടെടുപ്പ്. തിരഞ്ഞെടുപ്പ് ആറാം ഘട്ടത്തിലേക്ക് കടക്കുമ്പോൾ രാജ്യത്തെ മുഴുവൻ ജനങ്ങളുടെയും കണ്ണ് ഡൽഹിയിലേക്ക് ആണ് .
കെജ്രിവാളിന്‍റെ ജയില്‍ മോചനവും മദ്യനയക്കേസും സ്വാതി മലിവാള്‍ വിഷയവും കൊടുമ്പിരി കൊണ്ട് നിൽക്കുന്ന സാഹചര്യത്തിലാണ് ഡൽഹി പോളിങ് ബൂത്തിലേക്ക്എത്തുന്നത് . ജാമ്യത്തിലിറങ്ങിയതിന് പിന്നാലെ ഇന്ത്യാ സഖ്യത്തിൻ്റെ തെരഞ്ഞെടുപ്പ് പ്രചാരണ രംഗത്ത് അരവിന്ദ് കെജ്രിവാൾ വളരെ സജീവമായിരുന്നു. മോദിയ്ക്കും കേന്ദ്ര സർക്കാരിനുമെതിരെ ഇടതടവില്ലാതെ രൂക്ഷവിമർശനമായാരിരുന്നു ചെറിയ സമയത്തിനുള്ളിൽ അദ്ദേഹം ഉന്നയിച്ചത്. അരാം ഘട്ട വോട്ടെടുപ്പിൽ പ്രധാനപ്പെട്ട സ്ഥാനാർഥികൾ ഏതൊന്നു പരിശോധിക്കുകയാണെങ്കിൽ .
ഒഡിഷയിലെ സംബാല്‍ പൂരില്‍ കേന്ദ്രമന്ത്രി ധര്‍മേന്ദ്ര പ്രധാന്‍, ഹരിയാനയിലെ കര്‍ണാലില്‍ മുന്‍ മുഖ്യമന്ത്രി മനോഹര്‍ ലാല്‍ ഖട്ടാര്‍, നോര്‍ത്ത് ഈസ്റ്റ് ഡല്‍ഹിയില്‍ മനോജ് തിവാരി, ന്യൂഡല്‍ഹിയില്‍ ബന്‍സുരി സ്വരാജ് എന്നിവരാണ് ആറാം ഘട്ടത്തില്‍ ജനവിധി തേടുന്ന ബിജെപിയുടെ പ്രധാന സ്ഥാനാര്‍ഥികള്‍. നോര്‍ത്ത് ഈസ്റ്റ് ഡല്‍ഹിയില്‍ കനയ്യകുമാര്‍, ഹരിയാനയിലെ സിര്‍സയിൽ കുമാരി സെല്‍ജ, റോത്തകില്‍ ദീപേന്ദര്‍ സിങ് ഹൂഡ, ഡല്‍ഹി ചൗന്ദ്നി ചൗക്കില്‍ ജെപി അഗര്‍വാള്‍ എന്നിവരാണ് കോണ്‍ഗ്രസിന്‍റെ പ്രമുഖ സ്ഥാനാര്‍ഥികള്‍. പിഡിപി നേതാവ് മെഹബൂബ മുഫ്തിയും ഈ ഘട്ടത്തിലാണ് മത്സരിക്കുന്നത് .11.43 കോടി വോട്ടര്‍മാര്‍ ആണ്
ആറാം ഘട്ടത്തിൽ പോളിംഗ് ബൂത്തിലേക്ക് എത്തുന്നത് .
എട്ട് സംസ്ഥാനങ്ങളിലും കേന്ദ്ര ഭരണപ്രദേശങ്ങളിലുമായുള്ള 58 സീറ്റുകളിലേക്കാണ് ആറാംഘട്ട വോട്ടെടുപ്പ് നടക്കുന്നത് . 11.43 കോടി വോട്ടര്‍മാര്‍ക്ക് ഈ ഘട്ടത്തില്‍ വോട്ട് രേഖപ്പെടുത്താന്‍ അര്‍ഹതയുണ്ട്. 889 സ്ഥാനാര്‍ഥികളാണ് ഇന്ന് ജനവിധി തേടുന്നത്. ഒപ്പം 486 മണ്ഡലങ്ങൾ ഇന്ന് പൂർത്തിയാകും

2024 ലോക്സഭാ തെരഞ്ഞെടുപ്പിൽ ഇതുവരെ 428 മണ്ഡലങ്ങളില്‍ വോട്ടെടുപ്പ് പൂര്‍ത്തിയായിട്ടുണ്ട്. ഇന്ന് 58 മണ്ഡലങ്ങളില്‍ കൂടി തെരഞ്ഞെടുപ്പ് നടക്കുന്നതോടെ 486 മണ്ഡലങ്ങൾ പൂർത്തിയാകും. 57 മണ്ഡലങ്ങള്‍ മാത്രമാകും ഇനി ജനവിധി കുറിക്കാനുണ്ടാകുക.

പോളിങ് ദിനത്തിലും ഉയർന്നതാപനില സാധ്യതയുണ്ടെന്നാണ് കാലാവസ്ഥാ വകുപ്പ് മുന്നറിയിപ്പ്. കൂടിയ താപനില പരമാവധി 44 ഡിഗ്രി സെല്‍ഷ്യസും കുറഞ്ഞത് 31 ഡിഗ്രി സെല്‍ഷ്യസും വരെ എത്തുമെന്ന് പ്രവചിച്ചനമുണ്ട്. ഉഷ്ണ തരംഗം ഉണ്ടാകുമെന്ന് പ്രവചനമില്ല