നടൻ സൂര്യക്ക് പരിക്ക്; കങ്കുവയുടെ ചിത്രീകരണം നിര്‍ത്തിവച്ചു

നടൻ സൂര്യക്ക് പരുക്കേറ്റു. സൂര്യയുടെ പുതിയ ചിത്രമായ കങ്കുവയുടെ ചിത്രീകരണത്തിനിടയിലാണ് പരുക്കേറ്റത്. സിരുത്തൈ ശിവ സംവിധാനം ചെയ്യുന്ന കങ്കുവയുടെ ചിത്രീകരണം പുരോഗമിക്കുന്നതിനിടയിലാണ് അപകടം നടന്നിരിക്കുന്നത്.

കഴിഞ്ഞ ദിവസം രാത്രിയോടെയായിരുന്നു സംഭവം. ചിത്രീകരണം നടക്കുന്നതിനിടയില്‍ റോപ്പ് ക്യാം പൊട്ടി സൂര്യയുടെ തോളിലേക്ക് വീഴുകയായിരുന്നുവെന്നാണ് പുറത്ത് വരുന്ന റിപ്പോര്‍ട്ടുകള്‍. എന്നാല്‍ അദ്ദേഹത്തിൻറെ പരുക്കുകൾ നിസ്സാരമാണെന്നാണ് അറിയുന്നത്. എന്തായാലും സിനിമയുടെ ചിത്രീകരണം നിര്‍ത്തിവച്ചിട്ടുണ്ട് .

സൂര്യയുടെ കരിയറിലെ തന്നെ ഏറ്റവും വലിയ സിനിമയായിരിക്കും കങ്കുവ. സ്റ്റുഡിയോ ഗ്രീനിന്‍റെ ബാനറില്‍ കെ ഇ ജ്ഞാനവേല്‍ രാജയാണ് ചിത്രം നിര്‍മിക്കുന്നത്. 38 ഭാഷകളിലാണ് ചിത്രത്തിന്‍റെ ആഗോള റിലീസ് എന്ന് നിര്‍മ്മാതാവ് കഴിഞ്ഞിടെ അറിയിച്ചിരുന്നു.