താണിറങ്ങിയ സ്വർഗത്തെ പാടി വാഴ്ത്തി കീർത്തിക്കാൻ …..ദാവീദിൻ പട്ടണം .

മലങ്കര ഓർത്തഡോക്സ്‌ സഭയുടെ പരമാധ്യക്ഷൻ പരി .ബസേലിയോസ് മാർത്തോമ്മാ മാത്യൂസ് ||| കാതോലിക്കാ ബാവ ,HG.Dr. തോമസ് മാർ ഈവാനിയോസ് , HG.Dr.യൂഹാനോൻ മാർ ദിയസ്കോറോസ് , HG.Dr.ജോഷ്വ മാർ നിക്കോദിമോസ് , Rev . Fr.ജോർജ് ഡാനിയേൽ എന്നിവരുടെ സാന്നിധ്യത്തിൽ ടൈറ്റിൽ റിലീസ് ചെയ്ത ദാവീദിൻ പട്ടണം എന്ന ക്രിസ്തുമസ് കരോൾ വീഡിയോ ഗാനം റിലീസായി …
പ്രശസ്ത പിന്നണി ഗായകൻ ഫ്രാങ്കൊയുടെ ആലാപനത്തിൽ ശ്രദ്ധേയമായ ദാവീദിൻ പട്ടണം എന്ന ക്രിസ്തുമസ് കരോൾ വീഡിയോ ഗാനം കേരളത്തിലും പുറത്തും പ്രേക്ഷക ഹൃദയങ്ങളിൽ പെട്ടന്ന് തന്നെ സ്ഥാനം പിടിച്ചിരിക്കുന്നു . പ്രമേയത്തിലും അവതരണത്തിലും പുതുമകളുമായി എത്തിയ ഈ ക്രിസ്തുമസ് കരോൾ ഗാനം Rev. Fr . തോമസ് മാത്യുവിന്റെ ലളിത സുന്ദരമായ വരികൾക്ക് അലക്സ് എബ്രഹാം നൽകിയ മനോഹരമായ ഈണത്തിനു പ്രദീപ് ടോം ആണ് പശ്ചാത്തല സംഗീതം നിർവഹിച്ചിരിക്കുന്നത് .
ഈ വീഡിയോ ആൽബത്തിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് തങ്കച്ചൻ പുന്നൂസ് , വത്സ പുന്നൂസ് , സാം ഗീവർഗീസ് , നിമി സാം , സന്തോഷ് തോമസ് , കുട്ടികളായ ജിതിൻ തോമസ് ,ജെറമി അലക്സ് , ജെഫ്‌റി അലക്സ് , സ്റ്റീവൻ സാം എന്നിവരാണ് . പൂർണമായും അമേരിക്കയിൽ വച്ച് ചിത്രീകരിച്ച ഈ ആൽബത്തിൽ സാന്റാക്ലോസ് ആയി വന്ന സാന്റാ ഡഗ് ലക്സും കുട്ടികളുമായുള്ള രംഗങ്ങൾ ആൽബത്തെ കൂടുതൽ മിഴിവുള്ളതാക്കി .അറ്റ്ലാന്റ സെന്റ്. തോമസ് OCYM പ്രവർത്തകരുടെ സാന്നിധ്യം ഈ വീഡിയോയുടെ പ്രത്യേക ആകർഷണമാണ് . ദാവീദിൻ പട്ടണം എന്ന ഈ ആൽബത്തിന്റെ വിഡീയോഗ്രഫി അനീഷ് ജേക്കബും എഡിറ്റിങ് വിഷ്‌ണു ശങ്കറും ആണ് നിർവഹിച്ചിരിക്കുന്നത് . അഞ്ജലി മ്യൂസിക് സൈന മ്യൂസിക്കിലുടെ ഈ ഗാനം പ്രേക്ഷകരിൽ എത്തിച്ചിരിക്കുന്നു …