നസ്രിയ ബേസിൽ കോംമ്പോ അടിപൊളി; പ്രേക്ഷകരെ കൈയിലെടുത്ത് സൂക്ഷ്മദര്ശിനി

ബേസിൽ ജോസഫ്, നസ്രിയ നസിം എന്നിവരെ കേന്ദ്ര കഥാപാത്രങ്ങളാക്കി എം സി ജിതിൻ സംവിധാനം ചെയ്യുന്ന ചിത്രമാണ് സൂക്ഷ്മദര്‍ശിനി. പേരിലെ കൗതുകം നിലനിര്‍ത്തുന്ന, ആകാംക്ഷ ജനിപ്പിക്കുന്ന ചിത്രമാണിതെന്നാണ് സിനിമ കണ്ടിറങ്ങിയവരുടെ അഭിപ്രായം . ചെറിയ ചില കഥാസൂചനകള്‍ ഊഹിക്കാമെന്നല്ലാതെ ചിത്രം ഏത് തരത്തിലുള്ളതായിരിക്കുമെന്ന് വെളിപ്പെടുത്താതെ ആയിരുന്നു ട്രെയ്‍ലര്റുകൾ പുറത്തിറങ്ങിയത് . ബേസിലും നസ്രിയയും ചേരുമ്പോള്‍ കോമഡി പ്രതീക്ഷിരുന്ന പ്രേക്ഷകരെ അമ്പരിപ്പിക്കുന്ന നിഗൂഢതകള്‍ ഒളിപ്പിചിരിക്കുന്ന സിനിമയെ കുറിച്ച വളരെ നല്ല റിവ്യൂ ആണ് കണ്ടിറങ്ങിയവർക്കുള്ളത്.

കോമോഡിക്കൊപ്പം ത്രില്ലറും കൂടി ചേർത്ത് സൂക്മദര്ശിനി പ്രേക്ഷകരെ കൈയ്യിലെടുത്തു എന്നതാണ് പൊതുവെയുള്ള അഭിപ്രായം .ഒരു ഹൊറർ മൂഡിലേക്ക് പ്രേക്ഷകരെ കൊണ്ടുപോയി എന്ന് പറയുന്നവരും ചെറുതല്ല .നസ്രിയ ബേസിൽ കോംബോ അടിപൊളിയെന്നാണ് കണ്ടിറങ്ങിയവർ ഒന്നായി പറയുന്നത്. നസ്രിയ ബേസിൽ കൂട്ടുകെട്ട് പ്രതീക്ഷിച്ചു വന്നവരെ സിനിമ ഒരിടത്തും നിരാശരാക്കിയില്ലെന്ന് മാത്രമല്ല ഒരു പടി മേലെ ആണ് ഇരുവരുടെയും പ്രകടനം എന്നാണ് അഭിപ്രായം .

ഒരു അയല്‍പക്കത്ത് നടക്കുന്ന കഥയാണ് സൂക്ഷ്മദര്‍ശിനി.നസ്രിയ അവതരിപ്പിക്കുന്ന പ്രിയദർശിനി എന്ന കഥാപാത്രത്തിന്‍റെ സുഹൃത്തുക്കള്‍, അവരുടെ കുടുംബങ്ങള്‍ ഒക്കെയാണ് കഥയുടെ പശ്ചാത്തലം . വാട്സ്ആപ് ഗ്രൂപ്പ് ഒക്കെയുള്ള 2024 ലെ ഒരു അയല്‍പക്കം. അങ്ങനത്തെ ഒരു സ്ഥലത്തേക്ക് ബേസിലിന്‍റെ മാനുവൽ എന്ന കഥാപാത്രവും അയാളുടെ കുടുംബവും വരുമ്പോള്‍ അവിടെയുണ്ടാവുന്ന മാറ്റങ്ങളുമൊക്കെയാണ് സിനിമയിൽ .

സത്യന്‍ അന്തിക്കാട് സിനിമകളുടെ പശ്ചാത്തലമുള്ള ഒരു ത്രില്ലര്‍ എന്നും ചിത്രത്തെക്കുറിച്ച് പ്രേക്ഷകർ പറയുന്നുണ്ട് .
“ഒരു ഫാമിലി ത്രില്ലര്‍ ആണ് ഈ സിനിമ. അതേസമയം സാധാരണ ത്രില്ലര്‍ സിനിമകളുടെ ഒരു സ്വഭാവമല്ല. സത്യന്‍ അന്തിക്കാടു സിനിമകളുടെ
രീതിയിലുള്ള ചുറ്റുവട്ടവും അയൽപക്കവുമൊക്കെയാണ് ചിത്രത്തില്‍.ഒരു സത്യന്‍ അന്തിക്കാട് ത്രില്ലര്‍’ എന്നാണ് ചിത്രീകരണത്തിനിടെ സൂക്ഷ്മദര്‍ശിനിയെക്കുറിച്ച് തങ്ങള്‍ പറയുമായിരുന്നതെന്ന നസ്രിയയും ബസിലും മുൻപൊരു ഇന്റർവ്യൂയിൽ പറഞ്ഞിരുന്നു. ഹാപ്പി അവേർസ് എന്‍റർടെയ്ൻമെന്‍റ്സിന്‍റെയും എ വി എ പ്രൊഡക്ഷൻസിന്‍റെയും ബാനറുകളില്‍ സമീർ താഹിർ, ഷൈജു ഖാലിദ്, എ വി അനൂപ് എന്നിവർ ചേര്‍ന്നാണ് ചിത്രം നിര്‍മിക്കുന്നത്. തിരക്കഥ രചിച്ചിരിക്കുന്നത് ലിബിനും അതുലും ചേർന്നാണ്. ചിത്രത്തിനായി സംഗീതം ഒരുക്കുന്നത് ക്രിസ്റ്റോ സേവ്യറാണ്.

നായികയുടെ അയല്‍പക്കത്ത് പുതുതായി താമസിക്കാന്‍ വരുന്ന യുവാവിന്‍റെ വിചിത്രമായ പെരുമാറ്റവും അത് സൂക്ഷ്​മമായി നിരീക്ഷിക്കാന്‍ ഇറങ്ങിതിരിക്കുന്ന യുവതിയെയും അല്പം പോലും ബോർ അടിപ്പിക്കാതെ പ്രേക്ഷകരിലേക്ക് എത്തിച്ചിരിക്കുകയാണ് ടീം സൂക്മദര്ശിനി .

ഒരിടവേളക്ക് ശേഷം മലയാളത്തിൽ നായികയായി നസ്രിയ വീണ്ടും എത്തുന്ന ചിത്രം എന്നത് കൊണ്ട് തന്നെ ഏറെ പ്രതീക്ഷയോടെയാണ് സിനിമ പ്രേമികൾ കാത്തിരുന്നത് .അവരുടെ പ്രതീക്ഷയ്ക്ക് അല്പം പോലും മങ്ങൽ ഏൽപ്പിക്കാതെ ഒരു അടിപൊളി ദൃശ്യ വിരുന്നാണ് ചിത്രം സമ്മാനിച്ചിരിക്കുന്നത്. . ദീപക് പറമ്പോൽ, സിദ്ധാർത്ഥ് ഭരതൻ, കോട്ടയം രമേശ്, അഖില ഭാർഗവൻ തുടങ്ങിയവരാണ് മറ്റ് പ്രധാന വേഷങ്ങളിലെത്തുന്നത്. ശരൺ വേലായുധനാണ്‌ ഛായാഗ്രഹണം. ചിത്രസംയോജനം: ചമൻ ചാക്കോ. നോൺസെൻസ് എന്ന ചിത്രത്തിന് ശേഷം എം സി ജിതിൻ സംവിധാനം ചെയ്യുന്ന ചിത്രമാണ് സൂക്ഷ്മദർശിനി.