ഫെമിന മിസ് ഇന്ത്യ 2022 കിരീടം കർണാടകയുടെ സിനി ഷെട്ടിക്ക്. ഇന്നലെ ജിയോ വേൾഡ് കൺവെൻഷൻ സെന്ററിൽ വച്ച് നടന്ന ഗ്രാൻഡ് ഫിനാലെയിലാണ് സിനി ഷെട്ടി കിരീടം ചൂടിയത്. മുൻ മിസ് ഇന്ത്യ മാനസ വാരണാസി സിനി ഷെട്ടിയെ കിരീടം ചൂടിച്ചു.
രാജസ്ഥാന്റെ രുപാൽ ഷെഖാവത്ത് ഫസ്റ്റ് റണ്ണറപ്പും ഉത്തർപ്രദേശിന്റെ ശിനാത്താ ചൗഹാൻ സെക്കന്റ് റണ്ണറപ്പുമായി. ചലച്ചിത്ര താരങ്ങളായ നേഹ ധൂപിയ, മലൈക അറോറ, ദിനോ മൊറേയ, ഡിസൈനർമാരായ രാഹുൽ ഖന്ന, രോഹിത് ഗാന്ധി കൊറിയോഗ്രാഫർ ശ്യാമക് ദവാർ മുൻ ക്രിക്കറ്റ് താരം മിഥാലി രാജ് എന്നരായിരുന്നു ജൂറി. 31 പേരാണ് മത്സരത്തിൽ പങ്കെടുത്തത്.
കോവിഡ് പ്രതിസന്ധിയെ തുടർന്ന് മിസ് ഇന്ത്യ 2022 ഓഡിഷൻ നടന്നത് ഓണ്‍ലൈനായായിരുന്നു. മുംബൈയിൽ നടന്ന പരിശീലന പരിപാടികൾക്കും ഗ്രൂമിംഗ് സെഷനുകൾക്കും ശേഷമാണ് ഇന്നലെ ഫിനാലെ നടന്നത്.
Content Highlights : Sini Shetty, Femina, Miss India 2022
Trending Now
