സ്വര്‍ണവിലയില്‍ ഇന്ന് നേരിയ കുറവ്

സംസ്ഥാനത്ത് സ്വര്‍ണവിലയില്‍ ഇന്ന് നേരിയ കുറവുണ്ടായി. ദിവസങ്ങള്‍ക്ക് ശേഷമാണ് സ്വര്‍ണവിലയില്‍ കുറവ് വന്നിരിക്കുന്നത്. ഒരു ഗ്രാം സ്വര്‍ണത്തിന് ഇന്ന് 9445 രൂപയാണ് വില. 25 രൂപയാണ് കുറഞ്ഞത്. ഒരു പവന്‍ സ്വര്‍ണത്തിന് 200 രൂപ താഴ്ന്ന് 75560 രൂപയിലെത്തി. അതേസമയം, 18 കാരറ്റ് സ്വര്‍ണത്തിന് ഇന്ന് 20 രൂപ കുറഞ്ഞ് ഗ്രാം വില 7755 രൂപയായി. 14 കാരറ്റ് സ്വര്‍ണം ഗ്രാമിന് 6035 രൂപയും 9 കാരറ്റ് സ്വര്‍ണം ഗ്രാമിന് 3890 രൂപയുമായി.

എന്നാൽ ഉടനെ സ്വർണ്ണത്തിന് വില കൂടാൻ സാധ്യതയുണ്ട്. വിവാഹ സീസൺ അടുത്ത് വരുന്നതാണ് അതിന് കാരണം. കൂടാതെ രാജ്യാന്തര വിപണിയിലെ മാറ്റങ്ങളും പ്രാദേശിക ആവശ്യകതകളിലെ ഏറ്റക്കുറച്ചിലുകളും സ്വര്‍ണവിലയിലെ മാറ്റത്തിന് കാരണമാകുന്നുണ്ട്.