തമിഴ്നാട്ടില് ഏറ്റുമുട്ടല്ക്കൊല; കൊടുംകുറ്റവാളി അഴകുരാജയെ പൊലീസ് വെടിവെച്ച് കൊന്നു
National Desk
Posted On January 27, 2026
0
4 Views
തമിഴ്നാട്ടില് കുപ്രസിദ്ധ ഗുണ്ട അഴകുരാജ പൊലീസ് ഏറ്റുമുട്ടലില് കൊല്ലപ്പെട്ടു. പെരമ്പലൂര് ജില്ലയിലെ തിരുമാന്തുറൈ വനമേഖലയ്ക്ക് സമീപം നടന്ന ഏറ്റുമുട്ടലില് തലയ്ക്ക് വെടിയേറ്റതിന് പിന്നാലെയാണ് മരണം. ഇയാള്ക്കെതിരെ അഞ്ചിലധികം ക്രിമിനല് കേസുകള് നിലവിലുണ്ട്.
ഇന്നലെ രാത്രി ഊട്ടിയില് ഒളിവില് കഴിഞ്ഞിരുന്ന അഴക് രാജ ഉള്പ്പെടെ ഏഴ് പ്രതികളെ മംഗലമേട് ഇന്സ്പെക്ടര് നന്ദകുമാറിന്റെ നേതൃത്വത്തിലുള്ള പൊലീസ് സംഘമാണ് അറസ്റ്റ് ചെയ്തത്. പിന്നീട് വനമേഖലയില് കൊണ്ടുപോയി ഒളിപ്പിച്ച ആയുധങ്ങളും സ്ഫോടകവസ്തുക്കളും കണ്ടെടുത്തു. പിടികൂടാന് ശ്രമിക്കുന്നതിനിടെ പൊലീസിനെ വെട്ടുകത്തി ഉപയോഗിച്ച് ആക്രമിക്കാന് ശ്രമിച്ചതിനെ തുടര്ന്ന് സ്വയരക്ഷയ്ക്കായി വെടിവെക്കുകയായിരുന്നുവെന്ന് പൊലീസ് പറയുന്നത്.
