ജമ്മുകാശ്മീരില്‍ രണ്ടിടത്ത് ഏറ്റുമുട്ടല്‍; നാല് ഭീകരവാദികളെ വധിച്ചു

ജമ്മുകാശ്മീരില്‍ ഭീകരവാദികളും സുരക്ഷാ സേനയും തമ്മില്‍ ഏറ്റുമുട്ടി. നാലു ഭീകരവാദികളെ സുരക്ഷാ സേന വധിച്ചു. ഷോപ്പിയാനിലെ ദ്രാച് മേഖലയില്‍ ചൊവ്വാഴ്ച്ച വൈകീട്ടോടെയാണ് സംഭവം. കൊല്ലപ്പെട്ടവരില്‍ മൂന്ന് പേരും ജെയ്ഷ മുഹമ്മദ് സംഘടനയില്‍പ്പെട്ടവരാണെന്നാണ് സൂചന.

ദ്രാച് മേഖലയില്‍ കൊല്ലപ്പെട്ട മൂന്ന് ഭീകരവാദികളില്‍ രണ്ടു പേരെ തിരിച്ചറിഞ്ഞതായി സുരക്ഷാ സേന വ്യക്തമാക്കി. ഹനാന്‍ യാക്കൂബ്, ജംഷീദ് എന്നിവരെയാണ് തിരിച്ചറിഞ്ഞത്.

അതേസമയം, പുല്‍വാമയില്‍ കഴിഞ്ഞ ദിവസം സ്‌പെഷല്‍ പൊലീസ് ഓഫീസര്‍ ജാവേദ് ദര്‍ കൊല്ലപ്പെട്ട സംഭവുമായി ബന്ധമുള്ളവരാണ് തിരിച്ചറിഞ്ഞ രണ്ടു പേരെന്നും പൊലീസ് വൃത്തങ്ങള്‍ അറിയിച്ചു.

Content Highlights – Clashes between terrorists and security forces in Jammu and Kashmir