കപിൽ സിബൽ ഇടഞ്ഞ് തന്നെ; ചിന്തൻ ശിബിരിൽ പങ്കെടുക്കില്ല

നാളെ രാജസ്ഥാനിൽ തുടങ്ങുന്ന ചിന്തൻ ശിബിരിൽ മുതിർന്ന കോൺഗ്രസ് നേതാവ് കപിൽ സിബൽ പങ്കെടുക്കില്ല. എന്തുകൊണ്ടാണ് പരിപാടിയിൽ നിന്ന് വിട്ടു നിൽക്കുന്നതെന്ന് അദ്ദേഹം വ്യക്തമാക്കിയിട്ടില്ല. പുതിയ ചിന്തയും പ്രവർത്തന രീതിയും സഖ്യകക്ഷികളോടുള്ള സമീപനവും ഉൾപ്പെടെയുള്ള കാര്യങ്ങള്‍ ഈ പഠന ശിബിരത്തിൽ ചർച്ചയാവും. നിലവിൽ കോൺഗ്രസ് നേരിടുന്ന പ്രതിസന്ധി മറികടക്കാൻ ആവശ്യമായ നടപടികൾ ഉൾപ്പെടെയുള്ളവ പ്രധാന ചർച്ചയാണ്.

വരുന്ന ലോക്സഭാ തെരഞ്ഞെടുപ്പിൽ സ്വീകരിക്കേണ്ട സമൂലമായ മാറ്റങ്ങൾ ചർച്ചയാവും. നിലവിലെ രാഷ്ട്രീയ സമവാക്യത്തിൽ ഉയർത്തിക്കൊണ്ടു വരേണ്ട രണ്ടാം നിരനേതാക്കളെ ഏതെല്ലാം ചുമതലകൾ ഏൽപ്പിക്കണം എന്ന കാര്യത്തിലും ഇത്തവണത്തെ ചിന്തൻ ശിബിറിൽ ഏകദേശ ധാരണയാവും.

Content Highlight: Kapil Sibal to skip Chintan Shivir.