ആള്‍ദൈവം മിര്‍ച്ചി ബാബ ബലാത്സംഗക്കേസിൽ അറസ്റ്റില്‍
National Desk
Posted On August 9, 2022
മധ്യപ്രദേശിലെ സ്വയംപ്രഖ്യാപിത ആള്‍ദൈവം മിര്‍ച്ചി ബാബ ബലാത്സംഗക്കേസിൽ അറസ്റ്റില്‍. ചൊവ്വാഴ്ച ഗ്വാളിയോറില്‍നിന്നാണ് മിര്‍ച്ചി ബാബയെ അറസ്റ്റ് ചെയ്തത്. ഭോപ്പാലിലെ ആശ്രമത്തിലെത്തിയ ഭക്തയെ ബലാത്സംഗം ചെയ്‌തെന്ന പരാതിയിലാണ് പോലീസ് അറസ്റ്റ് രേഖപ്പെടുത്തിയത്.
ഇക്കഴിഞ്ഞ ജൂലായ് 17-ാം തീയതിയായിരുന്നു കേസിനാസ്പദമായ സംഭവം. വിവാഹം കഴിഞ്ഞ് ഏറെക്കാലമായിട്ടും കുട്ടികള്‍ ഉണ്ടാകാത്തതിനാലാണ് പരാതിക്കാരിയും ഭര്‍ത്താവും ബാബയുടെ അടുത്തെത്തിയത്. ചില പൂജകള്‍ ചെയ്താല്‍ ഗര്‍ഭം ധരിക്കാമെന്ന് ബാബ ഇവര്‍ക്ക് ഉറപ്പുനല്‍കി. ഈ പൂജയുടെ മറവിലാണ് ബാബ തന്നെ ബലാത്സംഗം ചെയ്തതെന്നാണ് പരാതിക്കാരി പറയുന്നത്.
ആശ്രമത്തില്‍ എത്തിയതിന് പിന്നാലെ പ്രസാദമെന്ന് പറഞ്ഞ് ബാബ എന്തോ നല്‍കിയെന്നും ഇത് കഴിച്ചതിന് പിന്നാലെ താന്‍ തളര്‍ന്നുവീണെന്നുമാണ് സ്ത്രീയുടെ പരാതിയില്‍ പറയുന്നത്. ഈ സമയത്താണ് ബാബ ബലാത്സംഗം ചെയ്തതെന്നും ‘സോഷ്യല്‍ സ്റ്റിഗ്മ’ കാരണമാണ് പരാതി നല്‍കാന്‍ വൈകിയതെന്നും സ്ത്രീ പോലീസിനോട് പറഞ്ഞിട്ടുണ്ട്.
നേരത്തെ, ലോക്‌സഭ, നിയമസഭ തിരഞ്ഞെടുപ്പ് വേളയില്‍ കോണ്‍ഗ്രസിന് പിന്തുണ അര്‍പ്പിച്ച് രംഗത്തെത്തിയ പ്രമുഖ ആള്‍ദൈവമാണ് മിര്‍ച്ചി ബാബ. മുതിര്‍ന്ന കോണ്‍ഗ്രസ് നേതാവ് ദിഗ് വിജയ് സിങ്ങിന്റെ വിജയത്തിനായി മിര്‍ച്ചി ബാബ യാഗം സംഘടിപ്പിച്ചത് ശ്രദ്ധേയമായിരുന്നു.
Content Highlights – Mirchi Baba arrested in rape case
Trending Now
