ഇൻഡോറിൽ ഇരുനിലകെട്ടിടത്തിൽ തീപിടിത്തം; ഏഴ് പേർ മരിച്ചു

മധ്യപ്രദേശിലെ ഇൻഡോറിൽ ഇരുനില കെട്ടിടത്തിലുണ്ടായ തീപ്പിടിത്തത്തിൽ ഏഴ് പേർ മരിച്ചു. ഒൻപത് പേരെ രക്ഷപ്പെടുത്തി. ഇന്ന് പുലർച്ചെയാണ് തീപ്പിടിത്തമുണ്ടായത്. മരിച്ചവരിൽ രണ്ട് സ്ത്രീകളുമുണ്ട്. രക്ഷപ്പെടുത്തിയ ഒൻപത് പേരിൽ അഞ്ച് പേർക്ക് സാരമല്ലാത്ത പൊള്ളലുകളുണ്ട്. അഞ്ച് പേർ ആശുപത്രിയിൽ ആണ്.

സ്വാൻബാഗ് കോളനിയിലെ താഴെ നിലയിലാണ് തീപ്പിടിത്തം ഉണ്ടായത്. കെട്ടിടത്തിന് പുറത്ത് നിർത്തിയിട്ട വാഹനങ്ങളിലേക്കും തീ പടർന്നു. ഷോർട്ട് സർക്യൂട്ടാണ് കാരണമെന്നാണ് പ്രാഥമിക നിഗമനം. തീ പടർന്നത് പുലർച്ചെ ആയതിനാലാണ് അപകടത്തിന്റെ തീവ്രത കൂടിയത്. കെട്ടിടത്തിൽ അഗ്നിശമന രക്ഷാ ഉപകരണങ്ങൾ സ്ഥാപിക്കാത്തതിനാൽ കെട്ടിട ഉടമ അൻസാർ പട്ടേൽ എന്നയാൾക്കെതെരി ഇൻഡോർ പൊലീസ് കേസ് രജിസ്റ്റർ ചെയ്തു.

Content Highlight: At least 7 dead as fire breaks out at residential building in Indore.