ഇസ്രയേല്‍ നടത്തിയ ആക്രമണം ; ഗാസയിൽ മരിച്ചവരുടെ എണ്ണം അര ലക്ഷം കവിഞ്ഞു
National Desk
Posted On February 4, 2025
ഇസ്രയേല്‍ നടത്തിയ ആക്രമണത്തില്‍ മരിച്ചവരുടെ എണ്ണം അര ലക്ഷം കവിഞ്ഞതായി ഗാസ അധികാരികള്‍. കാണാതാവയവരെയും കൂടി മരിച്ചവരായി കണക്കാക്കുകയാണെങ്കില്‍ ഇതുവരെ 61,709 പേര്‍ മരിച്ചിട്ടുണ്ടാകുമെന്നാണ് കണക്ക്. സംഘര്‍ഷത്തില്‍ കൊല്ലപ്പെട്ട 76 ശതമാനം പലസ്തീനികളുടെ മൃതദേഹം കണ്ടെടുക്കുകയും മെഡിക്കല്‍ കേന്ദ്രങ്ങളിലേക്ക് മാറ്റുകയും ചെയ്തതായി ഗാസ ഭരണകൂടം അറിയിച്ചു.മരിച്ചതില്‍ 17,881 കുട്ടികളാണെന്നും അതില്‍ 214 പേര്‍ നവജാത ശിശുക്കളാണെന്നും ഗാസ സിറ്റിയിലെ അല്‍ ഷിഫ ആശുപത്രിയില്‍ നടത്തിയ വാര്‍ത്താ സമ്മേളനത്തില്‍ സര്‍ക്കാര്‍ മീഡിയ ഓഫീസ് മേധാവി സലാമ മാറൂഫ് പറഞ്ഞു. ‘
ഏകദേശം 14, 222 പേരെങ്കിലും കെട്ടിടങ്ങള്‍ക്കിടയിലോ രക്ഷാപ്രവര്‍ത്തകര്‍ക്ക് എത്തപ്പെടാന്‍ സാധിക്കാത്ത സ്ഥലങ്ങളിലോപെട്ടു കിടക്കുന്നുണ്ടാകുമെന്ന് അധികൃതര്‍ പറഞ്ഞു. അടിസ്ഥാന സൗകര്യങ്ങളില്ലാത്ത കടുത്ത സാഹചര്യത്തില്‍ 25ലധികം തവണകളിലായി 20 ലക്ഷത്തിലധികം പേര്‍ നിര്‍ബന്ധിത പലായനത്തിന് വിധേയരായി’, അദ്ദേഹം പറഞ്ഞു. 1,11,588 പേര്‍ക്ക് പരുക്കേറ്റു.
