ലുലു വിളിക്കുന്നു: യുഎഇയും സൗദിയും അടക്കം 6 ഗള്‍ഫ് രാജ്യങ്ങളില്‍ ഒഴിവുകള്‍

ഇന്ന് ജി സി സി മേഖലയില്‍ അതിവേഗം വളരുന്ന റീടെയില്‌‍ വ്യാപാര ശൃംഘലയായി മാറിയിരിക്കുകയാണ് യൂസഫലി നയിക്കുന്ന ലുലു ഗ്രൂപ്പ്. യു എ ഇ, സൗദി അറേബ്യ, ഖത്തർ, കുവൈത്ത് എന്നിവിടങ്ങളിലെല്ലാം ഗ്രൂപ്പ് അതിവേഗം വളർന്നുകൊണ്ടിരിക്കുകയാണ്. ഈ വളർച്ചയുടെ ഭാഗമായി നിരവധി പുതിയ തൊഴില്‍ അവസരങ്ങളും സൃഷ്ടിക്കപ്പെടുന്നു.

ഇപ്പോൾ സിറ്റി ഓപ്പറേഷൻസ് മാനേജർ തസ്തികയിലേക്കാണ് കമ്പനി പുതിയ ഒഴിവുകള്‍ പ്രഖ്യാപിച്ചിരിക്കുന്നത്. യുഎഇ, ഒമാൻ, സൗദി അറേബ്യ, കുവൈത്ത്, ബഹ്‌റൈൻ, ഖത്തർ എന്നിവിടങ്ങളിലെല്ലാം ഒഴിവുകളുണ്ട്.

സിറ്റി ഓപ്പറേഷൻസ് മാനേജർ തസ്തികതയില്‍ നിയമിക്കപ്പെടുന്നവർ സ്റ്റോർ, ലാസ്റ്റ്-മൈൽ ഡെലിവറി പ്രവർത്തനങ്ങൾ കൈകാര്യം ചെയ്യുകയും, ടീം അംഗങ്ങളെ നയിക്കുകയും വേണം. അതോടൊപ്പം തന്നെ ചെലവ് നിയന്ത്രണം ഉറപ്പാക്കുകയും, ഉപഭോക്താക്കൾക്ക് തടസ്സമില്ലാത്ത അനുഭവം ഉറപ്പാക്കുകയും വേണം.

യോഗ്യത – ഇ-കൊമേഴ്‌സ്, റീട്ടെയിൽ, ക്വിക്ക് കൊമേഴ്‌സ്, ലാസ്റ്റ്-മൈൽ ഡെലിവറി എന്നിവയിൽ 5-8 വർഷത്തെ ഓപ്പറേഷൻസ് മാനേജ്‌മെന്റ് പരിചയം. വെയർഹൗസിംഗ്, ഡെലിവറി, മാനവശേഷി എന്നിവയിൽ നഗരതലത്തിൽ പ്രവർത്തന പരിചയം. പ്രക്രിയ ഒപ്റ്റിമൈസേഷൻ, SOP-കൾ, ചെലവ് നിയന്ത്രണം എന്നിവയിൽ വൈദഗ്ധ്യം. വലിയ ഓൺ-ഗ്രൗണ്ട് ടീമുകളെ നയിക്കാനുള്ള ശക്തമായ നേതൃത്വ പാടവം. ഡാഷ്‌ബോർഡുകൾ, KPI-കൾ, SLA-കൾ എന്നിവയിൽ വൈദഗ്ധ്യമുള്ള ഡാറ്റാധിഷ്ഠിത മനോഭാവം. ബിസിനസ്/സപ്ലൈ ചെയിൻ മാനേജ്‌മെന്റിൽ ബാച്ചിലർ ബിരുദം; MBA ഉള്ളവർക്ക് മുൻഗണന. മതിയായ യോഗ്യതയുള്ള ഉദ്യോഗാർത്ഥികള്‍ക്ക് ലുലു ഗ്രൂപ്പിന്റെ ഔദ്യോഗിക ലിങ്ക്ഡ് ഇന്‍ അക്കൌണ്ട് വഴി (https://www.linkedin.com/company/lulu-retail/jobs/) അപേക്ഷിക്കാം.