പ്രായപൂര്‍ത്തിയാകാത്ത പെണ്‍കുട്ടികളെ കൊണ്ടുവന്നു; യുവാക്കള്‍ പിടിയില്‍

പശ്ചിമ ബംഗാളില്‍ നിന്ന് പ്രായപൂര്‍ത്തിയാകാത്ത രണ്ട് പെണ്‍കുട്ടികളുമായി എത്തിയ ബംഗാള്‍ സ്വദേശികള്‍ പൊലീസിന്റെ പിടിയിലായി. ഇന്നലെ രാത്രി ഏഴരയോടെ പുറയാര്‍ ഗാന്ധിപുരത്താണ് സംഭവം.

നൂര്‍ ഇസ്ലാം മണ്ഡല്‍ (24), സഹേദുല്‍ ഷെയ്ഖ് (20) എന്നിവരാണ് പിടിയിലായത്. ഇവരുടെ കൂടെ വന്ന പെണ്‍കുട്ടികള്‍ക്ക് 13, 17 എന്നിങ്ങനെയാണ് പ്രായം. യുവാക്കളില്‍ ഒരാളുടെ മാതാവ് പുറയാറിലെ ഒരു വീട്ടില്‍ ജോലി ചെയ്യുന്നുണ്ട്. ഇവര്‍ക്കായി വീട്ടുടമ നല്‍കിയ ഒരു താത്കാലിക ഷെഡിലേക്കാണ് ഇരുവരും കുട്ടികളെ കൊണ്ടുവന്നത്. പെണ്‍കുട്ടികള്‍ രണ്ട് പേരും സ്കൂള്‍ ബാഗ് സഹിതമാണ് വന്നത്. നൂര്‍ ഇസ്ളം വിവാഹിതനും ഒരു കുട്ടിയുടെ പിതാവുമാണ്. 13 കാരി നേരത്തെ ബംഗാളിലെ ജുവനൈല്‍ ഹോമിലായിരുന്നു. പൊലീസ് ഇവരെ വിശദമായി ചോദ്യം ചെയ്ത് വരികയാണ്.