ഈഴവര്‍ക്ക് ഇടതുപക്ഷത്തുനിന്നും നീതി കിട്ടുന്നില്ലെന്ന് വെള്ളാപ്പള്ളി

ഈഴവർക്ക് ഇടതുപക്ഷത്തുനിന്നും നീതി കിട്ടുന്നില്ലെന്ന് എസ്.എൻ.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശൻ. എറണാകുളം കുന്നത്തുനാട് എസ്.എൻ.ഡി.പി ശാഖാ ഭാരവാഹികളുടെ നേതൃത്വ പരിശീലന ക്യാമ്ബ് ഉദ്ഘാടനം ചെയ്യുകയായിരുന്നു അദ്ദേഹം.

ഇന്നലെകളില്‍ ഇടതുപക്ഷത്തെ സഹായിച്ച ഈഴവർ ഇപ്പോള്‍ മാറി ചിന്തിച്ചു. ഈഴവർക്ക് ചോദിക്കുന്നത് ഒന്നും തരുന്നില്ല. കോഴിക്കോടു നിന്നും മലപ്പുറത്തു നിന്നും തിരുവനന്തപുരത്തേക്ക് വണ്ടി കയറുന്നവർ വൈകുന്നേരം ആവുമ്ബോഴേക്കും കാര്യം സാധിച്ച്‌ മടങ്ങുന്നു. ഈഴവർക്ക് നീതി കിട്ടുന്നില്ല. അതിന്‍റെ തിരിച്ചടിയാണ് തെരെഞ്ഞെടുപ്പില്‍ കിട്ടിയതെന്നും വെള്ളാപ്പള്ളി പറഞ്ഞു.

ഈഴവർക്ക് അധികാരത്തിലും പാർട്ടിയിലും പരിഗണനയില്ലാത്ത സ്ഥിതിയാണ്. ന്യൂനപക്ഷ വിഭാഗത്തില്‍ പെട്ടവർ വന്നാല്‍ അവർക്ക് സർക്കാരിലും പാർട്ടിയിലും ഡബിള്‍ പ്രമോഷനാണ്. പിന്നാക്ക വിഭാഗങ്ങള്‍ക്ക് സർക്കാരില്‍ നിന്നും ഇടതുപക്ഷത്തുനിന്നും നീതി കിട്ടുന്നില്ലെന്നും അദ്ദേഹം പറഞ്ഞു.